Takimi mes delegacioneve amerikane dhe ukrainase për t’i dhënë fund luftës në Ukrainë vazhdon. Zyrtarët lanë të kuptohet se është arritur përparim. Sekretari i Përgjithshëm i NATO-s Mark Rutte tha të martën në Prishtinë se bisedimet mes Kosovës dhe Serbisë janë e vetmja mënyrë për të zgjidhur çështjet e hapura. Në Shqipëri, Gjykata e Posaçme e Apelit, vendosi të vazhdojë të mërkurën me një seancë për shqyrtimin e ankimit të kryebashkiakut të Tiranës Erion Veliaj, kundër masës së arrestit me burg të vendosur ndaj tij muajin e kaluar.