Kosova shënoi sot 17 vjetorin e pavarësisë me një sërë veprimtarish përfshirë parakalimin e njësive të Forcës së Sigurisë dhe policisë së vendit. Udhëheqësit e Kosovës theksuan rëndësinë e sakrificave të bëra nga populli dhe mbështetjen e aleatëve ndërkombëtarë në arritjen e pavarësisë së vendit. Në Tiranë Kuvend pritet të votojë për disa ndryshime në Kodin Zgjedhor për të lehtësuar votimin e shqiptarëve jashtë vendit për zgjedhjet e përgjithshme të 11 Majit. Sekretari Rubio në Riad në prag të bisedimeve me Rusinë për paqe në Ukrainë.