Kongresi amerikan mblidhet të hënën për të certifikuar fitoren e zotit Donald Trump në zgjedhjet presidenciale të 5 nëntorit, përballë kandidates demokrate, Kamala Harris. Në Shqipëri, kryetari i Partisë Demokratike, Sali Berisha ishte sot në Prokurorinë e Posaçme, në zbatim të masës së sigurisë së vendosur nga Apeli i Posaçëm, për paraqitjen e tij dy herë në muaj pranë një oficeri të policisë gjyqësore. Komisioni Qendror i Zgjedhjeve përfshin Listën Serbe në fletëvotimet për zgjedhjet parlamentare në Kosovë, pavarësisht kundërshtimit të partisë në pushtet, lëvizjes Vetëvendosje.