Ambasadori amerikan në Prishtinë, Jeff Hovenier thotë se Shtetet e Bashkuara janë të përkushtuara ndaj Kosovës në përpjekjet e saj për përparim dhe zhvillim. Ai i bëri komentet në takimin e fundit zyrtar si ambasador me Presidenten Vjosa Osmani. Në Shqipëri SPAK-u bën të ditur se në lidhje me hetimin ndaj Kryebashkiakut të Tiranës Erion Veliaj, ka të dhëna konkrete jo vetëm për “korrupsion pasiv”, por edhe me vepra të tjera penale si “korrupsion aktiv”, “pastrim parash” dhe “fshehje pasurish”. Presidenti i Gjermanisë Frank-Walter Steinmeier shpall shpërbërjen e parlamentit dhe mbajtjen e zgjedhjeve të parakohëshme më 23 shkurt 2025.