Nënpresidentja Kamala Harris dhe ish-Presidenti Donald Trump do të përballen sonte në Filadelfia në debatin e tyre të parë presidencial, që mund të jetë vendimtar për garën presidenciale. Kievi kryen sulmin më të madh me dronë ndaj Rusisë që prej fillimit të luftës. Moska tha se rrëzoi 144 dronë ukrainas. Presidenti i Serbisë Aleksandar Vuçiç tha sot se brenda 72 orësh do të dalë me kërkesa për gjendjen në veriun e Kosovës ndërsa akuzoi qeverinë në Prishtinë për sulme brutale ndaj popullsisë serbe. Ai i bëri komentet pas takimit me të dërguarin evropian Miroslav Lajçak, i cili vizitoi këto ditë Beogradin dhe Prishtinën, në një përpjekje për të ripërtërirë bisedimet.