Rusia kryen sulmit më të përgjakshëm ndaj Ukrainës që nga fillimi i luftës. Godet me raketa balistike qytetin Poltava, vret të paktën 47 persona, plagos mbi 200 të tjerë. Turqia arreston shtetasin nga Kosova Liridon Rexhepi, e akuzon për bashkëpunimim me Mosadin izraelit. Parlamenti i Maqedonisë së Veriut fillon debatin në kuadër të një interpelance ndaj kryetarit të parlamentit, Afrim Gashi, me kërkesë të partisë maqedonase “E Majta”, e cila e akuzon atë për shkelje të rregullores së kuvendit dhe për nxitjen e disa skandaleve. Partitë shqiptare thonë se nisma është motivuar mbi baza etnike.