Ronald Rowe, drejtori në detyrë i agjencisë së Shërbimit Sekret amerikan dhe nën drejtori i FBI-së, Paul Abbate po dëshmojnë sot në një seancë të përbashkët të dy komisioneve të Senatit mbi atentatin ndaj ish Presidentit Trump. Në qendër të interesit të senatorëve janë mangësitë e masave të sigurisë në orët para atentatit. Shqipëria shpalli sot një garë ndërkombëtare për ndërtimin e portit të ri detar në Porto Romano, me një fond mbi 390 milionë euro. Për ngritjen e portit, pak kilometra në veri të Durrësit kanë shprehur interes 15 kompani të huaja. Temperaturat e larta po mbajnë një sërë vatrash aktive të zjarrit në Maqedoninë e Veriut, ndërsa njoftohet për viktimën e parë si pasojë e zjarreve në rrethinën e Kumanovës.