Sonte në mbrëmje ish-presidenti Trump pritet t’i drejtohet Kuvendit Kombëtar Republikan. Ndërkohë në kampin demokrat janë rindezuar thirrjet drejtuar presidentit Biden të rishqyrtojë kandidimin e tij për zgjedhjet e 5 nëntorit. Autoritetet në Serbi njoftuan sot se një pjesëtar i policisë është vrarë dhe një tjetër është plagosur në perëndim të Serbisë afër kufirit me Bosnjën e Hercegovinën. Gazetari amerikan Evan Gershkovich u shfaq në seancën e dytë të procesit kundër tij në Rusi. Ai u arrestua në mars të vitit të kaluar me akuzën për spiunazh ndërsa punonte për gazetën ‘The Wall Street Journal’.