Dy kandidatët Joe Biden dhe Donald Trump u përballën dje në debatin e parë presidencial ku kritikuan ashpër njëri tjetrin në çështje si ekonomia, aborti, emigracioni dhe politika e jashtme. Paraqitja e presidentit Biden u cilësua si e dobët duke nxitur shqetësime tek demokratët nëse ai duhet të vazhdojë garën për një mandat tjetër. Në Shqipëri, popullsia e vendit në vitin 2023 rezulton të jetë tkurrur me 15 përqind, krahasuar me 12 vjet më parë. Të dhënat e censit të popullsisë, të bëra publike sot nga Institut i Statistikave, dëshmojnë se numri i banorëve në vend ka rënë me 429 mijë banorë.