Presidenti Joe Biden dhe ish-presidenti Donald Trump përballen sonte për herë të parë në një debat që mund të ndryshojë trajektorën e garës për Shtëpinë e Bardhë. Gjykata e Tiranës miratoi sot masat e arrestit shtëpiak dhe detyrim paraqitje për 7 persona të dyshuar për shpërdorim detyre, mes tyre edhe zëvendës drejtoreshës së Qendrës Spitalore Universitare “Nënë Tereza”, pas zbulimit të një skemë abuzimi në dëm të pacientëve me tumor. Në Kosovë, vijon debati lidhur me një projektligj mbi mediat që synon mes të tjerash, licencimin e mediave online dhe dënime me gjoba të rënda për ato që kryejnë shkelje. Shoqatat e gazetarëve e quajnë ligjin përpjekje të qeverisë për të goditur mediat.