Shkodër, Art prej armëve

Në qytetin e Shkodrës nisi sot puna për vendosjen, në sheshet publike të qytetit, të tre veprave të artit, të realizuara nga artistë të njohur amerikanë me materiale të përftuara nga demontimi i armëve të tepërta në Shqipëri. Gjatë 20 viteve të fundit, armët dhe municionet luftarake kanë shkaktuar shumë viktima dhe fatkeqësi në Shqipëri, ndaj veprat e artistëve amerikanë synojnë të përcjellin mesazhin e domosdoshmërisë së shkatërrimit të këtyre armëve.