Vetvendosje per rrezimin e qeverise

Kryetari i lëvizjes Vetëvendosje, Albin Kurti, bëri thirrje sot për rrëzimin e qeverisë së Kosovës. Duke folur në mbledhjen e Këshillit të përgjithshëm të partisë së tij ai tha se zhvillimet aktuale në vend kanë krijuar mundësinë për ndryshimin e pushtetit aktual që sipas tij, zbaton politikën e negociatave të vazhdueshme me Serbinë dhe politikën e privatizimit që e ka pamundësuar zhvillimin ekonomik të vendit. Thirrjet e zotit Kurti ndodhin në një periudhë debatesh rreth qëndrueshmërisë së koalicionit qeverisës dhe mundësisë së ndryshimeve dhe rirreshtimeve në skenën e brendshme politike të Kosovës.