Kulengxoxo mpikiswano yokucina phakathi kuka Mongameli Donald Trump loMnu. Joe Biden namuhla kusihlwa ekhangelelwe ukuthi ngeyokukhanga ukuba bavotelwe yilabo abantu abalokhu bengakakhetho abazamvotela.

Ingxoxo mpikiswano le, eyenzelwa eBelmont University eNashville, Tennessee, bekumele ibengeyesithathu phakathi kwababii laba abazavotelwa mhlaka 3 ngoLwezi.

Kungxoxo mpikiswano yakuqala, abantu abanengi bayisola kakhulu besithi kabazwanga lutho ngoba uTrump kukhanya wayethwalele uBiden ubhulo njengoba wayengenela sonke isikhathi nxa uBiden ekhuluma.

Kwakumele bangqikilane kungxoxo mpikiswano yesibili kodwa iCommission on Presidential Debates yatshelwa ngabasekela uTrump, owayesanda kuhlolwa watholakala elegciwane leCOVID-19, ukuthi kasoze ephatheke kuyo kusetshenziswa inkundla zokuxhumana.

Namuhla kukhangelelwe ukuthi ikhomishini le izavimba lowo ozabezama ukukhuluma isikhathi sakhe singakafiki.

Okuzakhulunywa kugxoxo mpikiswano lo kugoqela ubudlelwano belizwe leMelika lamanye amazwe, umkhuhlane weCOVID-19, ukudingwa kwalowo ozangena kudale leSupreme Court, uNkosikazi Amy Coney Barrett, lokunye.

Abalandela okwenzakala kukhehto lolu bathi zindala zombili. UMnu. Busani Mbuso Ntini, odabuka eZimbabwe ozavota kukhetho lolu, uthi kunengi okuzaxoxwa ngababili laba.

Omunye njalo olandela okwenzakala kukhetho lolu, uNkosikazi Priscilla Ndlovu, uthi abantu bayimelele kakhulu ingxoxo mpikiswano le. Uthi uTrump uzazama ukukhulela uBiden.

Abantu abedlula izigidi ezingamatshumi amane – 41 million sebevotile kukhetho lolu kuthi njalo abanye kukhanya bazavota ngosuku lokhetho. UMnu. Ntini uthi bakhona abangakacabangi kahle ngokuvota kukhetho lolu.

UNkosikazi Ndlovu uyakusekela lokhu esithi balamanga abathi kabakacabangi kahle ngokhetho lolu.

Ukhetho lweMelika lwenziwa ngesikhathi kulabanti abedlula inkulungwane ezingamakhulu amabili – 221,000 asebebulelwe yiCOVID-19 elizweni.

Embed share

UTrump Ungqikilana loBiden Kungxoxo Mpikiswano

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:27 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Sokulabantu abedlula izigidi ezingamatshumi amathathu, 30 million asebevotile kukhetho lweMelika.

Izigaba zeMelika zilamalanga atshiyeneyo okuvota kodwa ilizwe lonke livota mhlaka 03 ngenyanga ezayo.

Kusasa uMongameli Trump uzadibana loMnu. Donald Trump kungxoxo-mpikiswano ngemva kokumiswa kweyeviki edluleyo ngoba uTrump, owahlaselwa ligcikwane le coronavirus, wala ukuthi lingxoxo ingenzelwa kumabonakude esithi ufuna badibane mathupha lo Biden.

Lona udaba lwegcikwane le coronavirus lukhanya soluyilo oluzakuba lokwenza lempumela yalolukhetho ngoba ababili abancinitisanayo balembono ehlukeneyo ngaloludaba.

Sixoxe lesizalwane seZimbabwe esihlala ngapha kwelemelika, uNkosikazi Prisicilla Ndlovu saqala ngokumbuza ukuthi udaba lwe coronavirus ulubona luzathatha hlandla bani kukhetho lolu?

Sokusele amaviki angaphansi kwamathathu ukuthi kuyiwe kukhetho lanxa sebesedlula isigidi esisodwa asebevotile kukhetho lukamongameli.

Ucwaningo olukhitshwa phose nsuku zonke lukhomba ukuba uMnu. Joe Biden engangqoba uMongameli Donald Trump.

Kodwa abanye, abablisa yena ngokwakhe uMnu. Biden bathi kusasemasinyane ukuthi kuthiwe uTrump uzanqotshwa kukhetho.

Sixoxe lesizalwane sezimbabwe esihlala ngapha kwelemelika, uMnu. Raphael Mthombeni ukuze sizwe imbono yakhe ngaloludaba.

Embed share

Ingxoxo loMnu. Raphael Mthombeni

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:29 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Umongameli Donald Trump weMelika owebandla lamaRepublicans kanye lazancintisana laye kukhetho ngenyanga ezayo uMnu. Joe Biden webandla lamaDemocrats, baqhube imihlangano ehlukeneyo ngasikhathi sinye, eyama Town Hall meetings izolo eyokukhankasela lokukhetho.

Umsakazo kamabonakude oweNBC News uthi umongameli Trump uzincomile ngendlela aphatha ngayo udaba lweCOVID 19 okugoqela ukuvimbela indizamtshina ezivela eChina ukuthi zingene kweleMelika kusukela ngenyanga kaZibandlela ekuqaleni kwawonalo umnyaka.

Kodwa uMnu. Biden obese mhlanganweni ewolu obuthunganyelwa yintathelizindaba uGeorge Stephanopoulos we ABC News, ukusolile lokhu wathi umongameli Trump kazinikelanga kakhulu kuloludaba, ngoba wayezicabangela ngezomkambo wokuthengiselana owe-stock market.

UMnu. Biden uqhubeke wathi umongameli Trump ngabe wakhuthaza osibalukhulu labosodolobho elizweni jikelele ukuthi bevale indawo ezinengi ukwenzela ukulondoloza impilo yabantu.

Umongameli Trump uthe uNkosikazi Amy Coney Barrett asanda ukumkhetha ukuthi akhokhele idale leSupreme Court kasoze amsekele kudaba lwempumela yokhetho kungaba lensolo, kodwa uzalandela umthetho.

Uhlelo lokuvota solusunguliwe kwamanye amadolobho njalo umongameli Trump uthi uzakwamukela impumela yakhetho nxa kungalakuqilibezela.

UMnu. Biden uthembise ukusebenza lebandla lamaRepulicans enganqoba kukhetho. Bobabili bavumelene ukuthi lolu lukhetho oluqakathekileyo kumbali yeMelika.

Lokhu kuza ngemva kokuba umongameli Donald Trump enqabe ukuqhuba ingxoxo-mpikiswano ebulenjini loMnu. Biden ngemva kokutholakala elegcikwane leCOVID 19 esithi

Embed share

Lalela Loludaba Ngokugcweleyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:11 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

UMongameli weMelika uMnu Donald Trump uqale njalo imihlangano yakhe yokukhankasela ukhetho ngoMvulo ngemva kokubanjwa ngumkhuhlane weCovid-19.

UTrump ube lomhlangano esabelweni seFlorida lapho akhuthaze khona uzulu ukuti amvotele ukuze anqobe uMnu Joe Biden yena athi uzabulala ilizwe engaba ngumongameli.

UMnu Biden yena ubekhankasa esabelweni seCincinnati lapho akhuthaze khona uzulu laye ukuthi amvotele kukhitshwe uTrump embusweni.

Uthe uTrump akazihluphi ngabantu, ngakho kumele ahambe.

Kusenjalo, idale leCongress elaphezulu eleSenate liqale ukubuzisisa okhethwe nguTrump ukuthi abe ngumahluleli weSupreme Court izolo uNkosikazi Amy Coney Barrett.

Abebandla eliphikisayo elamaDemocrats bamsolile besithi engangena kulesisikhundla ulakho ukwesula umthetho wezempilakahle ovikela abanengi oweAffordable Care Act owaziwa njalo ngokuthi Obama Care.

Bathe njalo ukukhethwa kukaBarrett nguMongameli Trump kumele kwesulwe ukuze umahluli ozangena kulesosikhundla akhethwe nguMongameli ozanqoba kukhetho oluzakwenziwa mhlaka 3 ngoLwezi.

Kodwa amaRepublicans athe kumele angene kulesisikhundla ngoba uTrump elelungelo lokumkhetha.

Yena uNkosikazi Barrett uthe engapasiswa lidale leSenate angene enkantolo yeSupreme Court uzakwahlulela amacala onke ngokulinganayo engathathi hlangothi.

Isizalwane seZimbabwe esihlala eOhio uMnu Tim Muringai utshele iStudio 7 ukuthi njengoba amaDemocrats engelawo amaSenators aneleyo okuvimba uBarrett, ubona ukukhethwa kwakhe kuzaphumelela.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Umsekeli kamongameli weMelika uMnu. Mike Pence ukhangelelwe ukungqikilana kungxoxo-mpikiswano ngoLwesithathu ntambama loNkosikazi Kamala Harris webandla lama Democrats, owakhethelwa ukusekela uMnu. Joe Biden enganqoba kukhetho lokudinga umongameli eMelika.

Impikiswano le, ezabukelwa ngabanengi kumabonakude ngenxa yegcikwane leCOVID 19, izaqhutshelwa edolobheni leLake City ekolitshini, eUtah.

Lokhu kulandela ingxoxo-mpikiswano efanayo, lapho umongameli Donald Trump, ozancintisana loMnu. Biden kulokhukhetho, angqikilana laye, ngeviki edluleyo lapho abanye abasola ukuthi kwalulengxabangxoza, ngoba ababili laba bengenelana kunkulumo omunye engakaqedi.

Kukhangelelwe ukuthi kube lomduli owenziwe ngengilazi i plexiglass ozahlukanisa uMnu. Pence loNkosikazi Harris ukwenzela ukwenqabela ukuthelelwana kwegcikwane leCOVID19.

Ukuhlaziya okukhangelelwe kwababili laba, sixoxa loMnu. Dumaphi Mema, ingcwethi ecubungula ezombusazwe.

Embed share

Ingxoxo loMnu. Dumaphi Mema

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:20 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

UMongameli Donald Trump, oselamalanga amathathu esesibhedlela eWalter Reed National Military Medical Center kulandela ukuhlolwa kwakhe watholakala eleCOVID-19, uthi usesizwa ngcono emzimbeni.

Wethule iVideo izolo kusihlwa esithi unatha imithi etshiyeneyo njalo ukhangelele ukuthi uzabuyela eWhite House kunsukwana ezilandelayo. Umphathintambo wenhlelo zonke eWhite House, uMnu. Mark Meadows, utshele umsakazo weFox News ukuthi basebethithibele ngokugula kuka Trump ngoLwesihlanu owayesetshisatshisa njalo esephefumula nzima.

Odokotela bakhe bathi usesizwa ngcono esibhedlela lesi lapho abamupha amaphilisi atshiyeneyo alakho ukunqunda igciwane leCOVID-19.

Okwethulwe ngudokotela wakhe kusolwe ngabanye abantu abathu akucaci okwenzakala kuTrump ngoba iWhite House yethule umbiko ongahambelani lokadokotela.

Okwamanje, uMnu. Joe Biden, ancintisana laye, uqhubekela phambili ekhankasela ukhetho oluzakwenziwa ngoLwezi.

Abantu abanengi bachothoza indlela uTrump avimba ngayo ukumemetheka kweCOVID-19 besithi wehluleka ukwenza okufuna ngebezempila kahle. Yena uthi wenza kahle. Akesizwe ekhuuma ngesimo sakhe esibhedlela se Walter Reed National Military Medical Center.

Embed share

UMongameli Trump Ukhuluma Ngomkhuhlane weCOVID-19 Omenze Wahanjiswa Esibhedlela

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:08 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

UMongameli Donald Trump uvale okusemthethweni umhlangano webandla lama Republicans ngoLwesine lapho atshele abantu ukuthi uzasebenza kakhulu ukwenzela ukuthi ilizwe leMelika lithuthuke ngemfanelo.

UTrump wethule lokhu emhlanganweni weRepublican National Convention owenzelwe eWhite House.

“Ngenhliziyo emhlophe ngiyamukela ukukhethwa ukuba ngingene esikhundleni sikamongameli.”

Uthi ulakho ukwenza kubelemisebenzi eminengi elizweni engakhethwa ukubangumongameli.

“Sizasebenzela eleMelika ukuthi libe lilizwe elilenthuthuko. Sizakwenza konke ukuba siphumelele. Sizavuselela amasiko ethu okuzakwenza ukuthi kubelothando elizweni.”

UTrump uzangqikilana loMnu. Joe Biden webandla lama Democrats kukhetho oluzakwenziwa ngoLwezi. uBiden uthi umehlule umsebenzi kamongameli uTrump.

“Kunengi okumele sikuvotele. Ukubayithi, ukubuswa kwelizwe lokuthi kumele sibenjani esikhathini esilandelayo. Konke lokhu kuzabe kuvotelwa. Kumele sibekwazi ukuthi zivotelani. Kumele linanzelele okwenziwa ngumongameli okwamanye kulabantu abedlula izigidi ezinhlanu asebehlolwe batholakala belomkhuhlane weCOVID-19. Kuyayangisa lokhu.”

Abalandela okwenzakala kwele Melika bathi akukacaci ukuthi ngubani ozanqoba kukhetho lolu. UNkosazana Nokuthula Adonsi uthi loba kunjalo kukhanya engani uBiden uzanqoba kukhetho lolu.

Lokhu kusekelwa nguMnu. Mqondisi Moyo, umkhokheli webandla leMthwakazi Republic Party, othi umkhankaso wamabandla ancintisa ukhetho eMelika kukhanya uqhubekela phambili ngemfaneli.

UMnu. Nkululeko Mathe ugcizelele esithi uTrump wehlulekile ukusebenza kahle labantu kwele Melika ngakho-ke sokumele asuke esikhundleni.

Abalandeli bebandla lama Republicans bathi uBiden kathenjwa ngoba usekela udlakela kwele Melika. Kodwa uBiden uthi uTrump nguye otshotshozela udlakela lobandlululo elizweni.

UMnu. Joe Biden useyamukele isicelo sabalandeli bebandla lama Democrats ukuba alimele kukhetho lukamongameli oluzakwenziwa lonyaka ngoLwezi.

UBiden wenze lokhu eseDellaware emhlanganweni webandla lama Democrats obusenzelwa ebulenjini bokuxhumana ngenxa yokumemetheka komkhuhlane weCOVID-19.

UBiden uthi uzamela abantu bonke kwele Melika hatshi okwenziwa nguMongameli Donald Trump athi udonsa nzima emsebenzini wakhe.

“Sokulesikhathi eside abantu bezondile. Abantu bethithibele, abantu behlukene. Ngiyalithembisa khonamanje ukuthi lingangikhetha ngizasebenza gadalala ukuthi sibengabantu abazwayo hatshi abantu abalwayo. Ngizabayisibani sokukhanya hatshi esobunyama. Sokuyisikhathi sokuthi sonke sibambane sisebenze ndawonye. Nxa singabambana sizaphumelela. Ngizalisebenzela. Ngiyamukela elingethese khona ukuba ngumongameli wakwele Melika.”

Ucela abantu ukuthi bamvotela kukhetho lolu ukwenzela ukulungisa okunengi athi sokubhidlizwe nguTrump.

Omunye wababukela uBiden esethula umbiko wakhe, uNkosikazi Priscillah Ndlovu, uthi uBiden ukhangelelwe ukuthi uzanqoba kukhetho oluzayo.

Lokhu kusekelwa nguMnu. Busani Moyo othi kukhanya okwamanje abalandeli bebandla lama Democrats bebambene okwedlula ngesikhathi uNkosikazi Hillary Clinton encintisana loTrump ngomnyaka ka2016.

Kodwa uTrump uthi uBiden enganqoba nxa ibandla lama Democrats lingaqilibezela kukhetho oluzayo. Uthi ozancintisa esekela uBiden, uNkosikazi Kamala Harris, kazi lutho kwezombangwazwe njengo Biden.

“Kuyamangalisa ukuthi uJoe Biden wakhetha umama lo ukuthi amcedise ukuncintisa kukhetho. Engama ngconywana kulo Biden obona ntuthu. Kuyamangalisa lokhu.”

Embed share

Udaba Esilethulelwe NguGibbs Dube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:39 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

UTrump ukhangelelwe ukuthi uzakhuluma emhlanganweni webandla lama Republicans oweRepublican National Convention ngeviki ezayo.