Kulabangamatshumi lantathu-23, abatholakale beleCovid 19, ebantwini abahlolwe ngokutshona kwelanga langoMvulo. Lokhu sokukhuphule inani lasebetholakale beleCovid 19, eZimbabwe, kwabangamakhulu edlula amahlanu-512.

Inengi lalaba bantu ngabanye babagcinwe endaweni ezitshiyeneyo zelizwe ezamaQuarantine Centers, abaphindele ekhaya bevela kweleSouth Africa.

Abasinde kulesi sifo lokhu bengamatshumi edlula ayisithupha-64, asebebulewe yiso sebeyisithupha.

Asebehloliwe ukuba baleCovid 19 loba hatshi lokhu laqhamukayo eZimbabwe, ngoMbimbitho lonyaka, sebezinkulungwane ezedlula amatshumi ayisithupha-63,347.

Emhlabeni jikelele abaleCoronavirus sebeyizigidi ezedlula eziyisitshiyagalolunye-9,080,795, kuthi asebebulewe yileligcikwane, sebezinkulungwane phose amakhulu amahlanu-471,306, abasinde kulumkhuhlane beyizigidi phose ezinhlanu-4,863,103 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amathathu-306,507, labulala inkulungwane ezedlula eziyisitshiyagalombili-8,115, kwasinda inkulungwane ezedlula ezilikhulu-146,212 kubika abenhlanganiso eye Africa Union.

Kulabantu abalitshumi lasithupha-16, abatholakale beleCovid 19, ebantwini abahlolwe eZimbabwe, ngokutshona kwelanga langoLwesihlanu. Laba bantu bakhuphule inani lababanjwe belegcikwane leli, laya kwabangamakhulu phose amahlanu-479.

Abasinde kulesi sifo bengamatshumi edlula ayisithupha-63, sabulala abane. Inengi lalaba bantu ngabanye babagcinwe endaweni ezitshiyeneyo zelizwe ezamaQuarantine Centers, abaphindele ekhaya bevela kweleSouth Africa.

Asebehloliwe ukuba baleCovid 19 loba hatshi lokhu laqhamukayo eZimbabwe, ngoMbimbitho lonyaka, sebezinkulungwane ezedlula amatshumi ayisithupha-62,928.

Emhlabeni jikelele abaleCoronavirus sebeyizigidi ezedlula eziyisitshiyagalombili lengxenye-8,616,990, kuthi asebebulewe yileligcikwane, sebezinkulungwane ezedlula amakhulu amane-457,080, abasinde kulumkhuhlane beyizigidi ezedlula ezine-4,563,307 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane phose amakhulu amathathu-275,327, labulala inkulungwane ezedlula eziyisikhombisa-7,395, kwasinda inkulungwane ezedlula ezilikhulu-125,316 kubika abenhlanganiso eye Africa Union.

Inani labahlolwe batholakala beleCovid 19 eZimbabwe ngoLwesibili lengezwe ngabantu abane laya kwabangamakhulu phose amane-391.

Leli nani ligoqela abantu abangamatshumi amahlanu lane-54 abasinde kulesi sifo, sabulala abane. Abane laba ngabanye babagcinwe endaweni ezitshiyeneyo zelizwe ezamaQuarantine Centers, abaphindele ekhaya bevela kweleSouth Africa.

Asebehloliwe ukuba baleCovid 19 loba hatshi lokhu laqhamukayo eZimbabwe, ngoMbimbitho lonyaka, sebezinkulungwane phose amatshumi ayisithupha-59,794.

Emhlabeni jikelele abaleCoronavirus sebeyizigidi ezedlula eziyisitshiyagalombili-8,150,931, kuthi asebebulewe yileligcikwane, sebezinkulungwane ezedlula amakhulu amane-439,892, abasinde kulumkhuhlane beyizigidi ezedlula ezine-4,259,847 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amabili-251,866, labulala inkulungwane phose eziyisikhombisa-6,769, kwasinda inkulungwane ezedlula ezilikhulu-114,308 kubika abenhlanganiso eye Africa union.

Ebantwini abahlolwe iCovid 19, ngokutshona kwelanga langoMvulo, eZimbabawe, kulabane abatholakale belegcikwane leli, okwenze lakhukuphuka inani labahlolwe batholakala belalo laya kwabangamakhulu phose amane-383, abagoqela abangamatshumi amahlanu lane-54 abasinde kulesi sifo, sabulala abane.

Abane laba ngabanye babagcinwe endaweni ezitshiyeneyo zelizwe kumaQuarantine Centers, abaphindele ekhaya bevela kweleSouth Africa.

Asebehloliwe ukuba baleCovid 19 loba hatshi lokhu laqhamukayo eZimbabwe, ngoMbimbitho lonyaka, sebezinkulungwane phose amatshumi ayisithupha-59,194.

Emhlabeni jikelele abaleCoronavirus sebeyizigidi ezedlula eziyisitshiyagalombili-8,031,381, kuthi asebebulewe yileligcikwane, sebezinkulungwane ezedlula amakhulu amane-436,297, abasinde kulumkhuhlane beyizigidi ezedlula ezine-4,148,403 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amabili-242,105, labulala inkulungwane ezedlula eziyisithupha-6,464, kwasinda inkulungwane ezedlula ezilikhulu-109,977 kubika abenhlanganiso eye Africa union.

Umbiko owethulwe ngabogatsha lwezempilakahle uveza ukuba inani lasebetholakale beleCovid 19, eZimbabwe selikumakhulu edlula amathathu -341. Leli nani lengezwe ngabantu abalitshumi lanye, kwabahlolwe ngoLwesihlanu, Nhlangula 12, 2020. Laba nganye babantu abagcinwe endaweni zamaQuarantine Centers, abaphindele ekhaya bevela kweleSouth Africa.

Lumbiko uthi njalo asebehloliwe ukuba baleCovid 19 loba hatshi lokhu laqhamukayo elizweni, ngoMbimbitho lonyaka, sebezinkulungwane ezedlula amatshumi amahlanu-57,598. Asebesinde kulumkhuhlane lokhu bengamatshumi edlula amahlanu-51, kwafa abane.

Emhlabeni jikelele abaleCoronavirus sebeyizigidi ezedlula eziyisikombisa lengxenye-7,635,499, kuthi asebebulewe yileligcikwane, sebezinkulungwane ezedlula amakhulu amane-424,716, abasinde kulumkhuhlane beyizigidi phose ezine-3,865,742 kubika abenhlanganiso eyeWorldometer.

Emazweni awezwekazi leAfrica asebebanjwe belegcikwane leli, sebezinkulungwane ezedlula amakhulu amabili-216,446, labulala inkulungwane ezedlula ezinhlanu lengxenye-5,756, kwasinda inkulungwane phose ezilikhulu-97,068 kubika abenhlanganiso eye Africa union.

Umbiko owethulwe ngabogatsha lwezempilakahle uveza ukuba inani lasebetholakale beleCovid 19, eZimbabwe selikumakhulu edlula amathathu -332. Leli nani lengezwe ngabantu abalitshumi lambili, kwabahlolwe ngoLwesine, Nhlangula 11, 2020. Inengi labo kungabanye babantu abagcinwe endaweni zamaQuarantine Centers, abaphindele ekhaya bevela kweleSouth Africa.

Lumbiko uthi njalo asebehloliwe ukuba baleCovid 19 loba hatshi lokhu laqhamukayo elizweni, ngoMbimbitho lonyaka, sebezinkulungwane ezedlula amatshumi amahlanu-56,746. Asebesinde kulumkhuhlane sebengezwe ngabadabuka eMasvingo ababili, sukuze babengamatshumi edlula amahlanu-51, kwafa abane.

Emhlabeni jikelele asebefunyenwe beleCoronavirus sebeyizigidi ezedlula eziyisikombisa-7,493,301, kuthi asebebulewe yileligcikwane, sebezinkulungwane ezedlula amakhulu amane-419,765, kodwa asebesinde kulumkhuhlane sebeyizigidi phose ezine-3,803,543 kubika abenhlanganiso eyeWorldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amabili-209,438, labulala inkulungwane ezedlula ezinhlanu lengxenye-5,678, kwasinda inkulungwane ezingamatshumi edlula ayisitshiyagalombili-95,273 kubikwa abenhlanganiso eye Africa union.

Inani lasebetholakale beleCovid 19, eZimbabwe selengezwe ngabantu abayisithupha, laya kwabangamakhulu edlula amathathu-320. Abantu laba ngabanye babagcinwe endaweni zamaQuarantine Centers, abaphindele ekhaya bevela kweleSouth Africa.

Ugatsha lwezempilakahle lubika ukuba asebehloliwe ukuba baleCovid 19 loba hatshi lokhu laqhamukayo elizweni, ngoMbimbitho lonyaka, sebezinkulungwane ezedlula amatshumi amahlanu-55,709. Asebesinde kulumkhuhlane sebengezwe ngabathathu, sebengamatshumi amane lasithupha-46, kwafa abane.

Emhlabeni jikelele abalecoronavirus sebeyizigidi ezedlula eziyisikombia-7,360,778, kuthi asebebulewe yileligcikwane, sebezinkulungwane ezedlula amakhulu amane-414,528, kodwa asebesinde kulumkhuhlane sebeyizigidi ezedlula ezintathu-3,632,714 kubika abenhlanganiso eye Worldometer.

Emazweni awezwekazi le Africa asebebanjwe belegcikwane leli, sebezinkulungwane ezedlula amakhulu amabili-203,880, labulala inkulungwane ezedlula ezinhlanu lengxenye-5,530, kwasinda inkulungwane ezingamatshumi edlula ayisitshiyagalombili-86,068 kubikwa abenhlanganis eye Africa union.

Ebantwini abahlolwe ngokutshona kwelanga langoLwesihlanu ukuba bale COVID-19, loba hatshi eZimbabwe, abangamatshumi amabili lasitshiyagalombili - 28, batholakale belaleligciwane.

Lokhu kwengeze inani lasebetholakele belaleligciwane elizweni kwabangamakhulu edlula amabili lamatshumi ayisithupha - 265. Lokhu kutsho ukuba asebegula lumkhuhlane okwamanje sebengamakhulu edlula amabili - 228, kwasinda abangamatshumi amathathu lanye-33 kwafa abane.

Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi ezedlula ezinhlanu-52,218.

Emhlabeni jikelele asebefunyenwe belegcikwane leCoronavirus sebeyizigidi eziyisikhombisa-6,737,606. Kuthi asebebulewe yileligcikwane, sebezinkulungwane phose ezingamakhulu amane-393,775, kodwa asebesinde kulumkhuhlane sebeyizigidi ezedlula ezintathu-3,273,795, kubika abenhlanganiso yeWorldometer.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu lengxenye-163,599, labulala inkulungwane ezedlula ezine-4,611, kwasinda inkulungwane ezingamatshumi edlula ayisikhombisa-70,894, kubika abenhlanganiso eye African Union.

Ingcwethi zezempilakahle zithi ukuqonga kwenani labatholakala belegcikwane leCovid 19, eZimbabwe, kungabe kubangelwa yikuhlala isikhathi eside kwabaphindela ekhaya bevela emazweni angomakhelwane, endaweni zamaQuarantine Centers bengahlolwa ngokuphangisa. Lezi ngcwethi zikhuthaza uhulumende ukuba asebenzise okokuhlola leli gcikwane okungathathi isikhathi eside, amaRapid Test Kits.

Kunje inani lasebetholakele beleCovid 19 elizweni, likhuphuke laya kwabangamakhulu edlula amabili-222 ngoLwesithathu.

Lokhu kutsho ukuba asebegula lumkhuhlane okwamanje sebengamakhulu phose amabili-189, kusinde abangamatshumi amabili lathobamunwemunye-29 kwafa abane. Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi phose amahlanu-49,603.

Emhlabeni jikelele asebefunyenwe belegcikwane leCoronavirus sebeyizigidi ezedlula eziyisithupha lengxenye-6,608,309. Kuthi asebebulewe yileligcikwane, sebezinkulungwane phose ezingamakhulu amane-388,587, kodwa asebesinde kulumkhuhlane sebeyizigidi ezedlula ezintathu-3,193,865, kubika abenhlanganiso yeWorldometer.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu lengxenye-162,673, labulala inkulungwane ezedlula ezine-4,601, kwasinda inkulungwane ezingamatshumi edlula ayisikhombisa-70,475, kubika abenhlanganiso eye African Union.

KoBulawayo kulabantu abayithoba minwe mibili abagulayo umkhuhlane weCoronavirus, abayisithoba munwe munye sebasila kwabhubha oyedwa.

EMatabeleland South kubanjwe abantu abalitshumi lanye igcikwane leCovid-19 abavelele kweleSouth Africa okukhupule inani labantu abalalumkhuhlane kulesisigaba, kumatshumi amathathu lambili kusiyatshona ilanga langoLwesithathu.

Umqondisi wesibhedlela seMpilo Central, koBulawayo, uDokotela Solwayo Ngwenya ukhuthaza uzulu ukuba alandele imilayo yokuvikela ukuthelelwa igcikwane.

"Igcikwane leli linjengomvimbani lilandelana lomqando. Igcikwane leli lingafika lapha lilithole lixokozela phandle kumalayini ngendlela eliyenza ngayo izabulala abantu abanengi umakhaza liyawabona aseseduzane. Uhulumende ufake iziqondiso zokuthi ligqoke amaface mask livale imilomo lamakhala kodwa lina litholakala livale imilomo litshiye amakhala phandle lokhu kuzakwenza ukuthi icorona ilibambe."

"Uthola kundwendwe zempuphu lamabhanga abantu bayaxokozela limele lime kuhle. Umkhuhlane lo ufana leBird flue uthola abantu bekhefuzela bedinga ukuphefumula. Siyalixwayisa kakhulu uma lihamba kumele ligqoke amaface mask kihle lingaphefumulelani lingasondelelani kodwa uma lingakwenzi lokhu abantu abanengi bazatshabalala ngiyalicela Zulu ukuba lilandele imilayo esilipha yona."

Abezempilakahle bakhuthaza uzulu ukuba aqaphele ahlale emakhaya ikakhulu kulezi nsuku inani labatholakala beleCovid 19, liqansa okwethusayo. Abantu bakhuthazwa njalo ukuzivikela ekubambeni leligcikwane bengaphongunyakazela ndawana yonke, beminyezelene ngoba ngaleyo ndlela kulula ukuthelelanwa lumkhuhlane.

Izizalwane zeZimbabwe kweleSouth Africa zithi seziphethe amathumbu ngezandla ngokwesaba isiqubu esikhulu sokumemetheka kwegciwane lecoronavirus kweleSouth Africa.

Ukuqonga ngesiqhubu esikhulu kwenani labahlaselwa ligciwane leCoronavirus kweleSouth Africa sekutshiye abeZimbabwe abanengi belokwesaba okukhulu.

Okwamanje inani lasebehlaselwe yileli gciwane kweleSouth Africa selisedlula izinkulungwane ezingamatshumi amathathu lanhlanu (over 35,000). Asebebulewe yileli gciwane sebedlalela kumakhulu ayisitshiyagalombili (around 800).

Isizalwane seZimbabwe unkosazana Cynthia Dube uthi sebesesaba lokuphuma emnyango ngoba kungathi leli gciwane seligcwele indawo yonke.

“Ma sithi siyakhangela abantu abachaphazekileyo yiCovid-19 lokhu besanda besiyaphambili njalo nezimfa aziphunguki ziyaphambili. Konkenje ubona kungamachallenges esingakwaziyo ukuthi enganqotshwa kanjani.”

UMadube uthi okubesabisa kakhulu yikuthi leli nani likhwela ngesikhathi sekulabantu abaphose bafike izigidi ezilitshumi (about 9 million) asebebuyele emisebenzini.

“Okubuhlungu yikuthi isocial distancing leyo kayikho vele. Njengathi esihamba ngama taxi ayikho. Loba kungaze kuthiwe kufakwe ama mask, amataxi amanengi awayenzi leyo into yokusanithayiza abantu. Siyangenanje sihlale uzwe kuthiwa social distancing kodwa kuseat okumele kuhlane abantu abangu 4 uthole sekuhlezi abayi 3, that means ayikhonje isocial distancing.

Umnumnzana Khulekani Dube yena uthi okwethusayo yikuthi uhlelo lokubuyela kwabantu abanengi emsebenzini oluvulwe ngoMvulo luthe luqala kwahle kwangathi legciwane lalo selihle lavulelwa.

“Kule ilevel 3 ingitshayisa ngovalo ngoba sekuvulwe into ezihlanganisa abantu ezinjengamaSonto, amatshwala. Abantu bazodakwa bangalawuleki ngendlela eqondile okungangokuthi lesi isifo sisazobhebhetheka ngamandla. Lezingozi emigwaqweni futhi zisazobuya sibulawe yicorona sibulawe yizingozi. Okungangokuthi kusazoba kubi kakhulu. Kube balinde kancane amakhaza adlula ngoba le corona bathi ihlobane lamakhaza. Kuyethusa ngempela kakhulu kakhulu.

Noma kunjalo esinye isizalwane seZimbabwe umnumnzana Joyful Ncube uthi loba igciwane lalo selisidla amahabulo, ezindlini lakho bekuvele kungasahlaleki njengoba umangoye ubesebhazalele eziko.

“Kuleli ibanga esesikulo okuthiwa ngustage 3 sekusuke kwabangcono ngoba abanye bethu sesibuyele emsebenzini lanxa abanye bengakabuyeli kodwa kungcono ngoba sizokwazi ukuthi sisizane labanye bethu abangakabuyeli emsebenzini. Singasizana ngokuthengelana ukudla lendawo zokuhlala. So, ngokubona kwami ngibona engathi kuhamba kusiba ngcono.”

Abacubungula ngezokumemetheka kwaleli gciwane bathi kucatshangelwa ukuthi kusiyaphela umnyaka igciwane lecoronavirus liyabe selibulele abantu abafika izinkulungwane ezinhlanu (50,000) lahlasela abafika izigidi ezintathu (3 million) kweleSouth Africa.

Isibhedlela seThorngroove esiphansi kwekhansili yakoBulawayo, ngoLwesibili sinikwe zinhlanganiso ezimbalwa impahla yokuvikela ukumemetheka kwegciwane leCOVID-19.

Lesi sipho sivele kwabebhanga leStanbic, Zimbabwe Cricket leBulawayo Arts Culture and Endowment Fund, besekela imizamo kahulumende yokumelana lokumemetheka komkhuhlane weCOVID-19 edolobheni leli.

Lokhu kwenzakala ngesikhathi inani lasebetholakele beleCOVID-19 elizweni liqhubekela phambili likhuphuka okwethusayo ngakho-ke inhlanganiso ezizimeleyo lamankampani sekubone kufanele ukuba aphathise ngazo zonke indlela.

UNkosazana Cynthia Mvundla, owebhanga leStanbic, uthi banike iThorngroove impahla etshiyeneyo.

“Lamhlanje njengebhanga leStanbic siphe izipho ezehlukeneyo kukhansili yedolobho lakoBulawayo ezijonge ukuyasiza izisebenzi zesibhedlela seThorngroove Hospital esiyingxenye yezibhedlela ezonga abantu abalegciwane leCOVID-19. Isipho sethu silempahla ezibalisa ama protective suites ayi500, amasurgical masks ayi3750, faceshields angu 125, N95 Masks 750, gogogles 500 lamagloves ayi 5 000. Lokhu kuzasia kakhulu abaphatheke kwezempilakahle.”

UNkosikazi Mvundla uqhubekele phambili esithi baphe iventilaor kanye lezibholane ezimbili.

“Siphe njalo iventilator kusibhedlela seThorngroove ezanceda izigulane esibhedlela lesi. Siphe njalo izibholane ezimbili ezizagejwa khonapha koBulawayo elokitshini leCowdray Park kanye leGlenorah eHarare, siyabonga.”

Isiphathamandla seZimbabwe Cricket, uMnu. Nicholas Nsingo, uthi baphe ikhansili impahla lamaphilisi.

“Sibone kuqakathekile ukusebenzelana lekhansili yedolobho lakoBulawayo, siphe impahla ezehlukeneyo zokuncedisa ekuvikeleni ukumemetheka kweCovid-19 ezibalisa amasanitizers, amaphilisi, cough mixture. Kuviki ephelileyo siye eNtembeni lePercy Epson sayachela ngomuthi wokubulala igcikwane leCovid-19 sapha izipho ezehlukeneyo ezibalisa amasanitizers isepa lemithi ehlukeneyo.”

UJoshua Nyampimbi, owenhlanganiso yeBulawayo Arts Culture Heritage and Endowment Fund, uthi bancede amaqembu okuthokozisa uzulu.

“Siphe impuphu kuma Senior Artists ethu akoBulawayo, angamalunga eLuba Lemvelo, Thandanani Womens Group lamaCool Crooners. Yikho esikwenelisileyo okwanamuhla.”

UMayor wedolobho lakoBulawayo, uMnu. Solomon Mguni, wamukele loluncedo, ebonga kakhulu kubobonke abelule izandla besenzela ukunceda abantu abaswelayo.

Isibhedlela seThorngroove siqhubekela phambili sithola uncedo oluvela kumankampani, uzulu lenhlanganiso ezizimeleyo kunye lamabandla ezombuso, labezinkonzo.

Kulabantu abalitshumi lasithupha abatholakale belegcikwane leCovid 19, ebantwini abahlolwe ngoLwesithathu, eZimbabwe, okukhuphule inani lasebetholakale belegcikwane elizweni, laya kwabangamakhulu edlula amabili-222.

Ababili balabo bantu ngabanye babaphindele ekhaya bevela kweleBotswana abagcinwe endaweni ezitshiyeneyo zelizwe kuquarantine. Lokhu kutsho ukuba asebegula lumkhuhlane okwamanje sebengamakhulu phose amabili-189, kusinde abangamatshumi amabili lathobamunwemunye-29 kwafa abane.

Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi phose amahlanu-49,603.

Emhlabeni jikelele asebefunyenwe belegcikwane leCoronavirus sebeyizigidi ezedlula eziyisithupha-6,484,429. Kuthi asebebulewe yileligcikwane, sebezinkulungwane phose ezingamakhulu amane-383,109, kodwa asebesinde kulumkhuhlane sebeyizigidi ezedlula ezintathu-3,089,810, kubika abenhlanganiso yeWorldometer.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu lengxenye-157,332, labulala inkulungwane ezedlula ezine-4,493, kwasinda inkulungwane ezingamatshumi edlula ayisithupha-67,007 kubika abenhlanganiso eye African Union.

Inani lasebetholakale belegcikwane leCovid 19, eZimbabwe, seliqanse laya kwabangamakhulu edlula amabili-203. Leli nani likhuphulwe ngabanye balabo abavele emazweni angomakhelwane, kweleBotswana laseSouth Africa abagcinwe endaweni ezitshiyeneyo zelizwe kuquarantine.

Lokhu sokusitsho ukuba asebegula lumkhuhlane okwamanje sebengamakhulu phose amabili-170, kusinde abangamatshumi amabili lathobamunwemunye-29 kwafa abane.

Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi edlula amane-46,021.

Emhlabeni jikelele asebefunyenwe belegcikwane leCoronavirus sebeyizigidi ezedlula eziyisithupha-6,403,001. Kuthi asebebulewe yileligcikwane, sebezinkulungwane phose ezingamakhulu amane-378,112, kodwa asebesinde kulumkhuhlane sebeyizigidi phose ezintathu-2,932,293, kubika abenhlanganiso yeWorldometer.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu-152,442, labulala inkulungwane ezedlula ezine-4,344, kwasinda inkulungwane ezingamatshumi edlula ayisithupha-63,661 kubika abenhlanganiso eye African Union.

Kusenjalo inani lasebetholakele belegcikwane leCovid-19 edolobheni lakoBulawayo lokhu liqhubekela phambili liqansa ikakhulu ensukwini ezedluleyo. Abogatsha lwezempilakahle bathi lelinani lengezwa ngabavela emazweni angomakhelwane.

UMqondisi wezempilakahle kukhansili yedolobho lakoBulawayo, uDokotela Edwin Sibanda uchaza kabanzi ngokuqhamuka njalo komkhuhlane weCovid 19 edolobheni.

“Sesilabantu abangamatshumi amabili abalomkhuhlane weCovid 9. Kulabobantu sekusile abayisificamunwe mibili kuthi ababili abalokhe bengakasili kusukela uqala bazahlolwa kuyonale iviki sibona ukuthi sebesilile na. Kuyonale iviki sithole abantu abayisificaminwe mibili abatholakale belalo umkhuhlane abane besesibhedlela seMpilo Central Hospital, kuthi omunye ngudokotela kusibhedlela esizimeleyo edolobheni. Sasesithola ukuthi abanye abathathu abafundela ukuba ngodokotela esibhedlela seMpilo Central Hospital bengabafundi beNUST ukuthi baqedise izifundo basebehlolwa bengakaqalisi batholakala belalo umkhuhlane. Omunye ubevela eMutare, eZvishavne leNkulumane. OweNkulumane sisadingsisa ukuthi uwuthethe ngaphi ngoba ethi uhlala eNkulumane. OweMutare leZvishavane sesicele ukuba odokotela lapho abavela khona balandelele imuli zabo ukuba azila na umkhuhlane kanye lokudingisisa ukuba laba odokotela bawuthole ngaphi lumkhuhlane. ”

Abezempilakahle bakhuthaza uzulu ukuba aqaphele ahlale emakhaya ikakhulu kulezi nsuku inani labatholakala beleCovid 19, liqansa okwethusayo. Abantu bakhuthzwa njalo ukuzivikela ekubambeni leligcikwane bengaphongunyakazela ndawana yonke, beminyezelene ngoba ngaleyo ndlela kulula ukuthelelanwa lumkhuhlane.

Ebantwini abahlolwe izolo, kulabantu abane abengezelele inani lasebetholakale belegcikwane leCovid 19, eZimbabwe, laya kwabalikhulu lamatshumi phose athobaminwemibili-178. Abantu laba ngabanye babavele emazweni angomakhelwane athi kweleMozambique laseSouth Africa abagcinwe endaweni ezitshiyeneyo zelizwe, besahlolwa ukuba bangabe bebuye laleli gcikwane loba hatshi, kuquarantine/isolation centers.

Lokhu kutsho ukuba asebegula lumkhuhlane okwamanje sebesedlula ikhulu lamatshumi amane-145, kusinde abangamatshumi amabili lathobamunwemunye-29 kwafa abane.

Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi edlula amane-45,395.

Emhlabeni jikelele asebefunyenwe belegcikwane leCoronavirus sebeyizigidi ezedlula eziyisithupha-6,300,892. Kuthi asebebulewe yileligcikwane, sebezinkulungwane phose ezingamakhulu amane-374,538, kodwa asebesinde kulumkhuhlane sebeyizigidi phose ezintathu-2,866,223, kubika abenhlanganiso yeWorldometer.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu-147,099, labulala inkulungwane ezedlula ezine-4,228, kwasinda inkulungwane ezingamatshumi edlula ayisithupha-61,808 kubika abenhlanganiso eye African Union.

Ebantwini abahlolwe ngoLwesine mhla ka 28 Nkwenkwezi, 2020, abatholakale belegcikwane leCovid 19, eZimbabwe, abangabalitshumi lasikhombisa-17, bakhuphule inani lasebelaleli gcikwane, laya kwabalikhulu lamatshumi phose amahlanu-149.

Abogatsha lwezempilakahle eZimbabwe babika ukuba abantu laba ngabanye babavele emazweni angomakhelwane agoqela eleMozambique, South Africa leBhilithani abagcinwe endaweni ezitshiyeneyo zelizwe kuquarantine.

Lokhu kutsho ukuba asebegula lumkhuhlane okwamanje sebesedlula ikhulu-117, ngoba kusinde abangamatshumi amabili lathobaminwemibili-28 kwafa abane. Asebehloliwe ukuba baleCovid 19 loba hatshi, lokhu laqhamukayo eZimbabwe ngoMbimbitho lonyaka sebezinkulungwane ezingamatshumi edlula amane-40,847.

Abekholitshini leJohn Hopkins University, lakweleMelika babika ukuba emhlabeni jikelele asebefunyenwe belegcikwane leCoronavirus sebeyizigidi phose eziyisithupha-5,840,369. Kuthi asebebulewe yileligcikwane, sebezinkulungwane ezedlula ezingamakhulu amathathu lengxenye-361,066, kodwa asebesinde kulumkhuhlane sebeyizigidi ezedlula ezimbili-2,606,807.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu-129,565, labulala inkulungwane phose ezine-3,790, kwasinda inkulungwane ezingamatshumi edlula amahlanu-53,414 kubika abenhlanganiso eye African Union.