UMnumzana Joseph Mazondo, isakhamuzi seMawane, uthi impilo ibisinzima phansi kombuso kaMugabe njalo ujabulile lapho esizwa ukuthi usetshiya isihlalo sombuso.
UMnu. Emmerson Mnangagwa, okhangelelwe ukuthi uzathatha isikhundla esitshiywe nguMnu. Robert Mugabe, uthi abantu beZimbabwe bafuna imisebenzi. Wethule lokhu efika kwele Zimbabwe evela eSouth Africa lapho ahlala khona okwesikhatshana kulandela ukuxotshwa kwakhe umsebenzi.
UMnu. Emmerson Mnangagwa ucatshangelwa ukuthi wabalesandla kumbhuqazwe weGukurahundi. Kambe uzalubamba njani udaba lolu engangena esikhundleni sikamongameli. UMnu. Dumiso Dabengwa, umkhokheli webandla leZapu ukhuluma ngodaba lolu loNompumelelo Moyo.
Izizalwane zeZimbabwe ezinengi zimelele uMnu. Emmerson Mnangagwa eManyame Air Base. uMnangagwa ukhangelelwe ukuthi uzathatha isikhundla sikamongameli.
Umongameli weAngola UMnu. Joao Lourenco loMnu. Jacob Zuma wakwele South Africa bakhangelelwe ukuthi bazakuya eZimbabwe ngoLwesihlanu. Ababili laba bamele inhlanganiso yeSouthern African Development Community.
Abantu bajabule laze laphuma ilanga kulandela ukusuka kuka Mnu. Robert Mugabe esikhundleni sikamongameli.
Zimhlophe nke inhliziyo zabantu abathakazelela ukusuka kuka Mnu. Robert Mugabe esikhundleni.
Amalunga edale lephalamende athakazelela ukutshiya umsebenzi kuka Mnu. Robert Mugabe. Usomlomo wedale lephalamende uMnu. Jacob Mudenda wethulele amalunga la umbiko kaMugabe okwenze okusemthethweni.
Abantu beZimbabwe bathakazelela ukuphuma kuka Mnu. Robert Mugabe esikhundleni.
Uzulu semelele ukugcotshwa kuka Mnu. Emmerson Mnangagwa okhangelelwe ukuthi uzathatha isikhundla sikamongameli. Akwaziwa ukuthi kuzakwenziwa nini lokhu.
Owake wabangummeli welizwe leMelika eZimbabwe, uMnu. Johnnie Carson, uthi kuqakatheke kakhulu ukuthi uMnu. Robert Mugabe abeke phansi ijogwe ngoba uzulu ufuna ukuzibusa. Akesizwe exoxa ngalokhu loBlessing Zulu weVOA Studio 7. (Ndimyake Mwakelyelye)
UMnu. Bernard Sibanda wase Old Tafara eHarare uthi abantu bonke bafuna ukuthi kubelengqubekela phambili eZimbabwe kulandela ukutshiya umsebenzi kuka Mnu. Robert Mugabe.
Ukwengezelela
