Zimbabwe 2018 Election

• Lwezi 21, 2017

  UMugabe Osanda Kutshiya Umsebenzi Ubesehlale Esikhundleni Okweminyaka

  UMongameli Robert Mugabe ubesehlale esikhundleni okweminyaka engamatshumi amathathu lesikhombisa. Nansi imbali yakhe ngamafitshane.

• Lwezi 21, 2017

  Mutsvangwa: UMugabe Sephelelwe Ngumphako

  UMnu. Christopher Mutsvangwa uthi abantu kumele bangene ezitaladini batshengisele ukuthi kabamfuni uMongameli Robert Mugabe olokhe esalela esikhundleni. Uthi kuhle kakhulu okwenziwe libutho eselitshiye uMugabe ezihambela nqunu emphakathini. Likubona njani lokhu?

• Lwezi 21, 2017

  Welshman Ncube: UMnangagwa Kumele Afunde Isifundo Esikhulu Ngokwehlele uMugabe

  UMnu. Welshman Ncube, umkhokheli welinye icele leMDC, uthi uMnu. Emmerson Mnangagwa kumele afunde isifundo esiphezulu ngokwehlele uMongameli Robert Mugabe.

• Lwezi 21, 2017

  'SIfuna uMugabe Asuke Esikhundleni'

  Omunye wabatshengisele ekholitshini leUniversity of Zimbabwe uthi bafuna uMongameli Robert Mugabe asuke embusweni.

• Lwezi 21, 2017

  'Okwenzakala eZimbabwe Yikubamba Uzulu Amehlo'

  UMnu. Bhekuvuyo Mguni, isizalwane sZimbabwe esihlala koBulawayo, uthi okwenzakala elizweni lapho ibutho eselihluthune intambo zombuso yikuvala uzulu amehlo. (Nompumelelo Moyo)

• Lwezi 21, 2017

  UMutsvangwa Uthi Ibutho Kalihluthunanga Intambo Zombuso

  UMnu. Christopher Mutsvangwa, umkhokheli wenhlanganiso yabalwa impi yenkululeko, ibutho kalihluthunanga intambo zombuso njengoba belifuna ukulungisa okuhluphayo elizweni.

• Lwezi 21, 2017

  Izifundi Ezifuna uMugabe Atshaye Phansi Zikhalala Imihloliso eUniversity of Zimbabwe

  UNkosazana Loveness Nkiwane uthe uMugabe sokumele atshiye umsebenzi ngoba seyehlulekile ukubusa.

• Lwezi 21, 2017

  ‘Izenzo Zebutho loMugabe Sezithundubeze Okungenziwa yiSADC’

  Elinye lamagqwetha la njalo engocubungula ngezombusazwe, uMnu. Antony Morima, utshele iStudio 7 ukuthi akusela sizatho sokuthi inhlanganiso yeSADC iqhubeke ingenela kungxaki zombusazwe eZimbabwe.

• Lwezi 21, 2017

  Gift Sibindi: Besisesaba Ukukhuluma Ngokwenziwa NguMugabe

  UMnu. Gift Sibindi uthi uyajabula ukuthi uMongameli Robert Mugabe usetshiye umsebenzi. Uthi kunengi obekungamelanga bakukhulume esabusa.

• Lwezi 20, 2017

  General Constantino Chiwenga: UMugabe Lowayengumsekeli Wakhe uMnangagwa Bakhuluma Ngokwenzakala eZimbabwe

  UGeneral Constantino Guveya Chiwenga uthi uMongameli Robert Mugabe lowayengumsekelo wakhe, uMnu. Emmerson Mnangagwa, ngoMvulo baxoxisane ngokwenzakala eZimbabwe. UChiwenga wethule lokhu kulandela ukwala kuka Mugabe ukuthi asuke esikhundleni. UMnangagwa ukwele South Africa okwamanje.

• Lwezi 20, 2017

  Ibandla leZanu PF libikwa Ngokuxotshwa Kuka Mugabe Lomkakhe Lokukethwa Kuka Mnangagwa

  Ilunga le Zanu-PF Central Committee uMnu. Patrick Chinamasa ubika ngokuxotshwa kuka Mongameli Robert Mugabe langokukhethwa kuka Mnu. Emmerson Mnangagwa ukuba angene esikhundleni sakhe. UMnangagwa ukhethwe njalo ukuba ancintise kukhetho oluzayo.

• Lwezi 20, 2017

  Obert Moyo: Ukuxotshwa Kuka Mugabe Kwenziwe Yizidlova zeG40

  UMnu. Obert Mpofu obona ngezemali kubandla leZanu PF uthi ukuxotshwa kuka Mongameli Robert Mugabe kwenziwe yizidlova zebandla leli ebelikucele leGeneration 40.

Ukwengezelela