Umsekeli kamongameli weMelika, uMnu. JD Vance uthi sokuseduze ukuba kube lokuthula kuzwekazi le-Europe okulempi eyesabekayo ephakathi kweleRussia leleUkraine.
UVance wethule amazwi la ngoLwesine emhlanganweni omkhulu owe Conservative Political Action Conference oqhutshelwa eNational Harbor eMaryland.
EleMelika likhulumisana leziphathamandla zakweleRussia lezakweleUkraine ngokubeka phansi izikhali.
Kolunye udaba lweMelika: Abaphanyeka emthethwandaba okumayelana lezisebenzi ezixotshwa umsebenzi nguhulumende kaMongameli Donald Trump obambisana lomcebisi wakhe uMnu. Ellon Musk, othi uzama ukuphungula indleko zemali kahulumende, bathi kulezinqumo zenkantolo abazithakazelelayo lezinye abangahambelani lazo.
Bathi kusobala ukuba ezinye izisebenzi zisuswa emsebenzini okungekho emthethweni. Lohulumende kaTrump laye wethula okufanayo.
Kuvame kanganani ukuba indaba ezezisebenzi ziphanyekwe enkantolo.
Sixoxe ngodaba lolu loMnu. Raphael Mthombeni, odabuka eZimbabwe ohlala eDallas, Texas eMelika, othi lokhu ngokokuqala ukubona kulamacala amanengi kangaka emithethwandaba eyezisebenzi zikahulumende lokhulumende omutsha.
Forum