Iziphathamandla zika hulumende weMelika lezakweleRussia ezibona ngobudlelwano lamanye amazwe ziqhube umhlangano ngoLwesibili eSaudi Arabia zikhuluma ngobudlelwano bamazwe amabili la kanye lendlela zokumisa impi eseUkraine.
Amacele omabili athi akhangelele ukuthi inkulumo lezi ziphendle indlela yokukhulumisana phakathi kwabakhokheli bamazwe la uMnu. Donald Trump loMnu. Vladimir Putin.
Ophethe uhlangothi lukahulumende weMelika olubona ngokudlelana lamanye amazwe, uMnu. Marco Rubio, ubekhokhela iqula leMelika.
Icele leRussia belikhokhelwa ngumphathintambo obona ngezokudlelana lamanye amazwe, uMnu. Sergey Lavrov, lomcebisi kaPutin uMnu. Yuri Ushakov.
Abakhokheli beUkraine bathi bebenganxuswanga emhlanganweni lo kodwa umongameli Volodymyr Zelenskyy ukhangelelwe ukuqhuba umhlangano lomela eleMelika kulelolizwe uMnu. Keith Kellogg ngoLwesithathu.
Forum