Icele lebandla leCitizens Coalition for Change elikhokhelwa nguMnu. Welshman Ncube lithi selixotshe kubandla leli uMnu. Sengezo Tshabangu, otholakale elemacala ambalwa kulandela ukumiswa kwakhe phambi kwekhomithi ebona ngokulandelwa kwezinqondiso zombuso webandla leli.
Ibandla leli lithi uTshabangu wazama ukususa amalunga akhokhela iCCC edale lephalamende okungekho emthethweni njalo wahamba ekhuluma emphakathini ngalelibandla enganikwanga imvumo.
Kodwa uTshabangu, ozithi ungunobhala jikelele wecele leli leCCC, uthi kayindawo.
Isikhulumeli sebandla leli uMnu. Willas Madzimure othi kazafunakali kubandla leli uTshabangu, owaxotshisa amalunga edale lephalamende lamakhansila kusanda kuqhutshwa ukhetho eZimbabwe kusukela ngomnyaka ka2023.
Sixoxe ngodaba lolu legqwetha lakhe uMnu. Nqobani Sithole othi kuyamangalisa okwenziwa nguNcube labanye bakhe.
“Ngamadlwane la ngoba abantu abathonise icala leli balodaba olusemthethwandaba olumayelana loTshabangu. Benza abangakwaziyo,” kutsho uSithole.
Forum