Icele lebandla leCitizens Coalition for Change (CCC) elikhokhelwa nguMnu. Welshman Ncube lithi kumele ozithi ungunobhala jikelele webandla leli, uMnu. Sengezo Tshabangu, athoniswe ngoLwesithathu icala lokuzama ukuguqula ubukhokheli bamalunga edale lephalamende.
Isikhulumeli secele leli, uMnu. Willas Madzimure, uthi uzajeziswa kabuhlungu uTshabangu engehluleka ukuya enkundleni yokuthoniswa icala leli eHarare lapho azathoniswa nguMnu. Sherperd Mushonga, ozimeleyo. Kodwa uMnu. Nqobani Sithole, igqwetha lika Tshabangu, uthi akuqedakali okukhulunywa ngabamele uNcube kanye lokufunwa nguMushonga.
Idale leHigh Court selethule isinqumo sokuthi uTshabangu lomunye wakhe uNkosazana Nonhlanhla Mlotshwa kabephulanga umthetho kulandela ukutshitsha kwabo ubukhokheli bebandla leli edale lephalamende.
UTshabangu wasusa uNkosikazi Lenney Karenyi wafaka umuntu wakhe ukube ngukhokheli wedale lephalamende. UNcube wathi lokhu kwenziwa okungekho emthethweni.
IHigh Court ithi kumele uNcube labanye bakhe behlawulele ukuthoniswa kwecala leli.
Forum