Kulabotsheketsha Abadabuka eZimbabwe Abasemgodini Ogcwele Amanzi eSouth Africa Okulabanye Asebedlule Emhlabeni

Kulabadabuka ezimbabwe abathathu okubikwa ukuba sebelenyanga ezimbili bevalelwe emgodini weLanwen Mine eKrugersdorp eGauteng kweleSouth Africa.

UMnu. Thembani Dube, isihlobo somunye wabavalelwe emgoqini lo ogcwele amanzi, uthi badinga uncedo lokubahlenga.

“Sezikhulume lenhlanganiso ezitshiyeneyo ngodaba lolu njalo silakho ukuxhumana leziphathamandla zesigodlo seZimbabwe ePitoli. Silethemba lokuthi bazangenela kudaba lolu,” kutsho uDube.

UCarlton Mvundla oyisihlobo sikaDube uvalelwe eLanwen Mine loHelord Ncube kanye loThandolwenkosi Ncube abadabuka eZimbabwe lizinye izizalwane zamazwe atshiyeneyo.

Abadabuka eZimbabwe bangena kweleSouth Africa besithi bayadinga umsebenzi ngenxa yokuswelakala kwemisebenzi elizweni labo.

Abanye babo bacina begabha amatshe aligugu emigodini yakudala okulengozi ezinengi.

Kasenelisanga ukukhuluma ngodaba lolu lamapholisa esigabeni sewest rand alenkamba eduzane lomgodi lo.

Kusanda kuba lengozi efanayo eStilfontein okwefela otsheketsha abanengi kwehlengwa abanye babo.