Inkokheli yeAfrican Union, egoqela uMongameli Emmerson Mnangagwa, iqhuba umhlangano omkhulu kweleEthiopia okuzahlolisiswa isimo somnotho wezwekazi leAfrica, impi yomvukele kweleDemocratic Republic of Congo (DRC) lokunye.
Umhlangano lo uqhutshwa phansi kwesihloko esithi: Justice for Africans and People of African Descent Through Reparations.
Kuqhutshwa umhlangano lo ngesikhathi abahlamuki beMarch 23 besidla amahabula kweleDRC lapho asebehluthune idolobho leGoma njalo besithi bazahluthuna ezinye izigaba.
Kusenjalo kulempi yomvukela kweleSudan, Somalia lamanye amazwe kuzwekazi leAfrica okuzakhulunywa ngakho emhlanganweni lo.
Okunye njalo inkokheli yezwekazi leAfrica izakhuluma ngokukhudumala komkhathi okufana lesikhudumezi se-El Nino, okwenza kwaba lendlala eyesabekayo eZimbabwe lakwamanye amazwe kuzwekazi leAfrica.
Ukuhlaziya loludaba, sixoxe loMnu. Rejoice Ngwenya ingcwethi kwezombusazwe ekunhlanganiso yeCommon Market for Liberal Market Solutions othi akucaci kahle okuzaphuma emhlanganweni lo oqhutshelwa edolobheni leAddis Ababa.
Forum