amalinks wokungena

Breaking News

Ikomishini kaHulumende Ivumbulula Amacala Okutshontshwa Kwemali Ekhansilini yeHarare


Umeya weHarare uMnu Jacob Mafume
Umeya weHarare uMnu Jacob Mafume

Ikomishini ecwayisisa inkohlakalo ekhansilini yedolobho leHarare ibikwa isivumbulule amacala amanengi okutshontshwa kwemali yiziphathamandla zalelidolobho.

Iphephandaba leHerald libika ukuthi kwatshontshwa izigidi ezine zamadola eMelika, US$4,5million kweyinye yamankampani akhokhelwa ngumanisipala eyeHarare Quarry.

Ikomishini le eyakhethwa ngumongameli Emmerson Mnangagwa nyakenye njalo ikhokhelwa nguJustice Maphios Cheda icwayisisa ukusetshenziswa kwemali kamanisipala kusukela ngomnyaka ka2017 kulandela imibiko yokuthi kulenkohlakalo eqhutshwa ngumeya walelo dolobho uMnu. Jacob Mafume lezinye iziphathamanda zikamanisipala.

UMafume owetheswa umlandu wokufumbathiswa ngamankampani atshiyeneyo ukuze aphiwe imisebenzi ngumanisipala kubikwa waqambela ikomishini le amanga ngalapho ahlala khona lokunye.

Ikomishini le ihambe laye kukheli ayipha yona ngoLwesithathu kodwa yathola kulebhizimusi kulindawo wasesithi waphambanisa ikheli, esithi umuzi wakhe useduze laleyondawo.

Asenelisanga ukuxoxa loMafume ngoba ubengaphenduli umakhalekhukhwini. Isikhulumeli sekhansili yeHarare uMnu Stanley Gama uthe akavunyelwa ukukhuluma ngodaba oluphambi kwekhomishini.

Umqondisi wenhlanganiso yezakhamizi eyeHarare Residents’ Trust uMnu Albert Mazula utshele iStudio7 ukuthi kuyadanisa ukuthi kubelenkohlakalo edlalisa imali enengi izakhamizi zingatholi konke okumele zikuthole kuvela kumanisipala.

please wait

No media source currently available

0:00 0:02:02 0:00

Forum

XS
SM
MD
LG