Abaphikisayo bathakazelela imisebenzi kamuyi uMorgan Tsvangirai besithi watshiya ibandla leMDC-T ezandleni eziqondileyo.
UTsvangirai, owabhubha esibhedlela kweleSouth Africa mhlaka 14 Zibandlela 2018, wayekhokhela ibandla leMDC-T.
Abanye abaphikisayo bathi uMnu. Nelson Chamisa wangena esikhundleni sika Tsvangirai wenza izimanga kwezombusazwe. Kodwa kulabanye njalo abathi wahluthuna umbuso ngendlela eyaphose yabhidliza ibandla leli, elacina lidabuke phakathi.
Kambe abantu bamkhumbula ngani uTsvangirai? Abanye abaphikisayo bathi kunengi akwenzayo esaphila loba okunye kwakhona sekwatshabalala.
Sixoxe ngodaba lolu loMnu. Solani Moyo, okubandla leCCC othi uTsvangirai wayeyindoda emadodeni.
Kodwa uMnu. Malaki Nkomo okubandla leZanu PF uyakusola okunengi okwakusenziwa nguTsvangirai esithi amabandla aphikisayo kawalanhlonso ecacileyo okwenza engasebenzi kahle eZimbabwe.
Forum