Ekuqhubekeni kokubalwa kwamavoti ibandla le Zanu PF lithi selinqobile kodwa ngakwelinye icele abebandla le CCC bathi yibo asebelinde nje ukuthi uMongameli wabo agcotshwe.
Umgciningcebo webandla le Zanu PF, uMnu. Patrick Chinamasa izolo utshele intathelizindaba ukuthi balobufakaza bamaphepha okuthiwa ngama V11 obukhomba ukuba uMongameli Emmerson Mnangagwa usethole amavoti adlula isilinganiso sokungamatshumi ayisithupha, 60 percent njalo amalunga edale lephalamende adlula isilinganiso sokukodwa kokuthathu,two thrids majority asenqobile.
Kodwa isikhulumeli sebandla le CCC esitsha, uMnu. Promise Mkhwananzi utshele intathelizindaba ukuthi umkhokheli wabo, uMnu. Nelson Chamisa nguye osenqobile.
Ubufakazi esilabo njenge Studio Seven bukhomba ukuba amabandla omabili angutshiki lobhanqa kukhetho lwedale le phalamende.
Amanani asezandleni ze Studio Seven atshengisa ukuba amabandla womabili, iZanu PF lele CCC alakho ukungatholi inani elivumela ukuthi athiwe anqobile kube lokhetho lwesibili, irun-off.
Sixoxe locubungula ezombusazwe uMnu. Max Mkandla saqala ngokumbuza ukuthi nxa kungaba lokhetho lwesibili lungaqutshwa ngokuthula na kumbe sizabona kusiba lodlakela olufana lolwenzakala umuyi uMnu. Morgan Tsvangirai aze asuke kukhetho lwe run-off ngenxa yodlakela?
Forum