លោក Fumio Kishida នាយករដ្ឋមន្ត្រីជប៉ុន បានភ្ជាប់សម្ពាធទណ្ឌកម្មលើប្រទេសរុស្ស៊ីទៅនឹងបញ្ហាសណ្តាប់ធ្នាប់នាវាចរណ៍នៅសមុទ្រចិនខាងត្បូង។ បញ្ហាពាក់ព័ន្ធនឹងប្រទេសអ៊ុយក្រែន និងសកម្មភាពនានារបស់ចិន បានក្លាយជារបៀបវារៈកំពូលនៅក្នុងដំណើរទស្សនកិច្ចរបស់លោកទៅកាន់តំបន់អាស៊ីអាគ្នេយ៍។
ការដាក់ទណ្ឌកម្មបន្ថែមចុងក្រោយនេះរបស់ជប៉ុន រួមមានការត្រួតពិនិត្យការបម្លាស់ទីនិងទ្រព្យសម្បតិ្តរបស់បុគ្គលជាច្រើនដែលជិតស្និទ្ធនឹងប្រធានាធិបតីរុស្ស៊ីលោកVladimir Putin និងមន្ត្រីមួយចំនួនទៀតរបស់ប្រទេសបេឡារុសផងដែរ។
