ប្រធានាធិបតី​សហរដ្ឋ​អាមេរិក​លោក Joe Biden នឹង​ទៅបំពេញ​ទស្សនកិច្ច​​នៅ​ប្រទេស​​អ៊ីស្រាអែល​នៅ​ថ្ងៃ​ពុធ។ នេះ​បើ​តាម​រដ្ឋមន្ត្រី​ការបរទេស​សហរដ្ឋ​អាមេរិក​លោក Antony Blinken។ លោក​បាន​ប្រកាសអំពីរឿងនេះ​កាលពី​ព្រឹក​ថ្ងៃ​អង្គារ​បន្ទាប់ពី​បាន​ជួប​ជាមួយ​នាយក​រដ្ឋមន្ត្រី​អ៊ីស្រាអែល​លោក Benjamin Netanyahu អស់ពេល​ជាង​៧ម៉ោង។ ស្របពេលជាមួយគ្នានេះ ចិន​បញ្ជូន​បេសកជន​ពិសេស​មួយ​រូប​ទៅកាន់​តំបន់​មជ្ឈឹម​បូព៌ា​ដើម្បី​សម្រប​សម្រួល​ឱ្យ​មាន​ការឈប់​បាញ់​គ្នា​មួយ​ក្នុង​ជម្លោះ​រវាង​អ៊ីស្រាអែល​និង​ក្រុម​ហាម៉ាស់។ អ្នក​ស្រី Nike Ching​​ ប្រធាន​អ្នក​យកព័ត៌មាន​របស់​វីអូអេ​ប្រចាំ​ក្រសួង​ការបរទេស​រាយការណ៍​​អំពី​រឿង​នេះ។ លោក ជឹង ប៉ូជីន សូមជូន​សេចក្តី​ប្រែសម្រួល។