ធនាគារកណ្តាលរបស់សហរដ្ឋអាមេរិកបានកាត់បន្ថយអត្រាការប្រាក់គោលរបស់ខ្លួន យ៉ាងធំខុសពីធម្មតាគឺ០,៥%។ ការសម្រេចនេះ ជាការផ្លាស់ប្តូរយ៉ាងខ្លាំងបន្ទាប់ពីរយៈ ពេលជាងពីរឆ្នាំនៃអត្រាខ្ពស់ៗ ដែលបានជួយទប់ទល់អតិផរណា ហើយក៏ធ្វើឱ្យការខ្ចីប្រាក់មានតម្លៃថ្លៃយ៉ាងខ្លាំងសម្រាប់ជនជាតិអាមេរិកាំង។
ការកាត់បន្ថយអត្រាការប្រាក់ដែលជាលើកទីមួយរបស់ធនាគារកណ្តាលរបស់សហ រដ្ឋអាមេរិកក្នុងរយៈពេលជាង៤ឆ្នាំ ឆ្លុះបញ្ចាំងពីការផ្តោតអារម្មណ៍ថ្មីរបស់ខ្លួនលើការជំរុញទីផ្សារការងារ។
មកដល់ប៉ុន្មានសប្តាហ៍មុនការបោះឆ្នោតប្រធានាធិបតី ការផ្លាស់ប្តូររបស់ធនាគារកណ្តាលអាមេរិក ក៏មានសក្តានុពលក្នុងការវាយលុកលើទិដ្ឋភាពសេដ្ឋកិច្ច ខណៈដែលពលរដ្ឋអាមេរិកាំងត្រៀមខ្លួនចូលបោះឆ្នោត។
ក្រុមអ្នកតាក់តែងគោលនយោបាយនៃធនាគារកណ្តាលបានផ្តល់សញ្ញាថា ពួកគេរំពឹងថានឹងបន្តកាត់បន្ថយអត្រាការប្រាក់ ០,៥% ទៀត នៅក្នុងកិច្ចប្រជុំពីចុងក្រោយរបស់ពួកគេនៅឆ្នាំនេះ ក្នុងខែវិច្ឆិកា និងខែធ្នូ។ ហើយពួកគេក៏រំពឹងថានឹងកាត់បន្ថយអត្រាការប្រាក់បួនដងបន្ថែមទៀតនៅឆ្នាំ២០២៥ និងពីរដងទៀតនៅឆ្នាំ២០២៦៕
