កម្ពុជា គ្រោងនឹងចូលរួមអបអរសាទរសិទ្ធិកុមារ ដោយការប្រារព្ធពិធីរំលឹកខួបទី៣០នៃអនុសញ្ញាស្ដីពីសិទ្ធិកុមារនៅក្នុងរាជធានីភ្នំពេញនៅថ្ងៃពុធស្អែកនេះ។ នេះបើយោងតាមសេចក្ដីប្រកាសព័ត៌មានរបស់អង្គការ UNICEF ដែលបានចេញផ្សាយនៅថ្ងៃអង្គារនេះ។
សេចក្ដីប្រកាសព័ត៌មាន បញ្ជាក់ថា កម្មវិធីនេះ នឹងធ្វើឡើងនៅ The Factory ក្នុងទីក្រុងភ្នំពេញចាប់ពីម៉ោង១២ថ្ងៃត្រង់ រហូតដល់ម៉ោង៦ល្ងាច ថ្ងៃទី២០ខែវិច្ឆិកា។
អង្គការ UNICEF ដែលធ្វើការងារខាងការពារនិងលើកកម្ពស់សិទ្ធិកុមារ បានគូសបញ្ជាក់ថាការប្រារព្ធខួបទី៣០នៃអនុសញ្ញាស្ដីពីសិទ្ធិកុមារ នឹងផ្ដោតទៅលើសារៈសំខាន់នៃអនុសញ្ញានេះ ដោយមានបញ្ចូលនូវកម្មវិធីសម្ដែងសិល្បៈជាច្រើន រួមទាំងការសម្ដែងល្ខោនសៀកកម្ពុជាហ្វា សៀករហស្សកម្មនិងការសម្ដែងរបស់ក្រុម Tiny Toones ផងដែរ៕
