យុវជនក្មេងៗដែលចូលអាមេរិកដោយខុសច្បាប់ រៀបរាប់អំពីបញ្ហាលំបាកដែលពួកគេប្រឈម
ជនអន្តោប្រវេសន៍ខុសច្បាប់ នៅតែជាបញ្ហាដ៏សំខាន់មួយនៅក្នុងការប្រកួតប្រជែងដំណែងប្រធានាធិបតីសហរដ្ឋអាមេរិក។ បេក្ខជនខ្លះបានគាំទ្រវិធានការដ៏តឹងរឹងមួយដើម្បីបញ្ឈប់លំហូរនៃជនចំណាកស្រុកគ្មានក្រដាសស្នាមដែលបានឆ្លងកាត់ព្រំដែន គ្រាដែលបេក្ខជនផ្សេងទៀត អំពាវនាវឲ្យមានកំណែទម្រង់អន្តោប្រវេសន៍ដើម្បីផ្តល់ភាពស្របច្បាប់ដល់ជនទាំងនោះខ្លះ ដែលបានឆ្លងកាត់ព្រំដែនខុសច្បាប់ចូលដល់ក្នុងសហរដ្ឋអាមេរិករួចទៅហើយនោះ។ អ្នកដែលជាប់ក្នុងការប្រទាញប្រទង់គ្នានេះ គឺពួកក្មេងៗមិនទាន់គ្រប់អាយុ ដែលត្រូវបានបញ្ជូនដោយឪពុកម្តាយរបស់ពួកគេដោយការយល់ច្រឡំថា ពួកគេ នឹងត្រូវបានគេអនុញ្ញាតិឲ្យស្នាក់នៅដោយស្វ័យប្រវត្តិនៅក្នុងសហរដ្ឋអាមេរិក។ អ្នកឆ្លើយឆ្លងព័ត៌មានរបស់ VOA ផ្នែកតំបន់អាមេរិកឡាទីន បាននិយាយជាមួយយុវជនក្មេងៗទាំងនោះ អំពីបញ្ហាលំបាកដែលពួកគេប្រឈម។ ហើយលោក ជឹង ប៉ូជីន ជូនសេចក្តីប្រែសម្រួល៕
