នេប៉ាល់ជួបបញ្ហាប្រឈមក្នុងការចែកចាយជំនួយ

VOA News

28 មេសា 2015

ទាហាននេប៉ាលដាក់បាវដាក់សំភារៈជំនួយរបស់អង្គការ U.S. AID នៅក្រោមតង់ក្បែរចំណុចកណ្តាលពីការរញ្ជួយផែនដីដ៏ខ្លាំងមួយ នៅក្នុងក្រុង Gorkha ប្រទេសនេប៉ាល់កាលពីថ្ងៃទី២៨ ខែមេសា ឆ្នាំ២០១៥។

ប្រជាពលរដ្ឋនៅក្នុងប្រទេសនេប៉ាល់ដែលរងផលប៉ះពាល់ដោយសារការរញ្ជួយផែនដី កំពុងត្រូវការទឹកហើយនិងរបស់របរសំខាន់ៗផ្សេងទៀតនៅថ្ងៃអង្គារនេះ នៅពេលដែលក្រុមកម្មករជួយសង្គ្រោះនិងក្រុមអង្គការមនុស្សធម៌បន្តព្យាយាមឲ្យទៅដល់ប្រទេសនោះ ហើយនិងអ្នកដែលនៅកប់ក្រោមកំទេចបាក់បែក។

អង្គការសហប្រជាជាតិបាននិយាយថា គ្រោះមហន្តរាយបានធ្វើឲ្យប៉ះពាល់មនុស្ស៨លាននាក់ ដោយមនុស្ស១លាន៤សែននាក់ត្រូវការជំនួយម្ហូបអាហារ។ក្រុមមន្រ្តីបាននិយាយនៅថ្ងៃអង្គារនេះថា ចំនួនមនុស្សស្លាប់បានកើនឡើងជាង៤៣០០នាក់ ដោយមានមនុស្សប្រហែល៨០០០នាក់បានរងរបួស។ ពួកគេបាននិយាយថា ចំនួនមនុស្សស្លាប់អាចកើនកាន់តែខ្ពស់ឡើង នៅពេលដែលក្រុមកម្មករបោសសម្អាតកំទេចបាក់បែក ហើយនិងអាចចូលក្នុងតំបន់ដាច់ស្រយាលនានា។

មនុស្សជាច្រើនបានចំណាយពេលមួយយប់ទៀតសម្រាកនៅខាងក្រៅឬក្រោមតង់ ដោយមានការរញ្ជួយផែនដីជាបន្តបន្ទាប់ដោយមានកម្លាំងពី៤ទៅ៥រ៉ិចទ័រ ដែលធ្វើឲ្យរង្គើតំបន់នោះនៅឡើយ បន្ទាប់ពីការរញ្ជួយផែនដីដែលមានកម្លាំង ៧.៨រ៉ិចទ័រ កាលពីថ្ងៃសៅរ៍។

កម្រងរូបភាព៖ កិច្ចជួយសង្គ្រោះពីការរញ្ជួយផែនដីនៅនេប៉ាល់

1/12 People demonstrate a home-made "smog cannon" which fires cannonballs made of "water and tobacco tar" to remind people the importance of protecting environment, in Xiangyang, Hubei province, Dec. 27, 2016.

2/12 ពិធីបួងសួងត្រូវបានធ្វើឡើងសម្រាប់ជនរងគ្រោះនៅក្នុងប្រទេសនេប៉ាល់។ កម្មវិធីនេះត្រូវបានរៀបចំឡើងដោយសមាគម United Sherpa Association នៅឯវិហារ Sherpa Monastery ក្នុងតំបន់ Jackson Heights ទីក្រុងញ៉ូយ៉ក កាលពីថ្ងៃទី២៦ ខែមេសា ឆ្នាំ២០១៥។

3/12 A photograph of British singer George Michael is seen among floral tributes and candles outside his north London home, Dec. 26, 2016, after news of the singer's death broke. The British pop superstar, who rose to fame with the duo Wham! and a string of smash hits including "Last Christmas," died, aged 53, of apparent heart failure on Christmas Day at his home in Goring, a village on the River Thames in Oxfordshire, west of London, after an award-winning career spanning more than three decades.

4/12 អ្នកតាំងលំនៅជនជាតិនេប៉ាល់ម្នាក់ឈ្មោះ Sangita Mahat ចង្អុលទិសដៅដើម្បីឲ្យប៉ូលីសយកសាកសពសាច់ញាតិរបស់នាងឈ្មោះ Prasamsah អាយុ១៤ឆ្នាំ នៅក្នុងកិច្ចប្រតិបត្តិការសង្គ្រោះក្នុងតំបន់ Balaju រដ្ឋធានីកដ្ឋមណ្ឌូ។

6/12 ស្រ្តីជនជាតិឥណ្ឌាម្នាក់ឈ្មោះ Padma កាន់រូបថតកូនប្រុសរបស់ខ្លួន Bharat និងកូនប្រសារស្រី Partima ដែលបានដាច់ការទាក់ទងបន្ទាប់ពីការរញ្ជួយផែនដីកាលពីថ្ងៃសៅរ៍ នៅក្នុងប្រទេសនេប៉ាល់ ក្នុងពិធីបន់ស្រន់មួយដែលធ្វើឡើងសម្រាប់អ្នករងគ្រោះពីការរញ្ជួយផែនដីនេះ នៅក្នុងវិហារសាសនាហិណ្ឌូមួយ ក្នុងក្រុង Jammu ប្រទេសឥណ្ឌា។

7/12 កុមារម្នាក់រងរបួសនៅក្នុងការរញ្ជួយផែនដីកាលពីថ្ងៃសៅរ៍ ត្រូវបានបីដោយទាហាននេប៉ាល់ បន្ទាប់ពីត្រូវបានជម្លៀសចេញដោយឧទ្ធម្ភាគចក្រកងទ័ពអាកាសឥណ្ឌា នៅឯព្រលានយន្តហោះទីក្រុងកដ្ឋមណ្ឌូ ប្រទេសនេប៉ាល់។

8/12 ជនរងគ្រោះដោយសារការរញ្ជួយផែនដីកាលពីថ្ងៃសៅរ៍ បានសម្រាកនៅក្នុងឧទ្ធម្ភាគចក្រកងទ័ពអាកាសឥណ្ឌា ខណៈពួកគេត្រូវបានជម្លៀសចេញពីតំបន់ជាយក្រុង Trishuli Bazar ទៅកាន់ព្រលានយន្តហោះកដ្ឋមណ្ឌូក្នុងប្រទេសនេប៉ាល់។

9/12 ស្រ្តីជនជាតិឥណ្ឌាម្នាក់យំ ខណៈសាច់ញាតិរបស់ខ្លួនបានត្រលប់មកឥណ្ឌានៅក្នុងព្រលានយន្តមួយក្នុងវិញក្នុងទីក្រុង Ahmadabad បន្ទាប់ពីបានឆ្លងកាត់ការរញ្ជួយផែនដីនៅក្នុងប្រទេសនេប៉ាល់កាលពីថ្ងៃសៅរ៍។

10/12 អ្នកស្ម័គ្រចិត្តជាតិនេប៉ាល់ជញ្ចូនសំភារៈជំនួយ ដែលដឹកដោយឧទ្ធម្ភាគចក្រកងទ័ពអាកាសឥណ្ឌា សម្រាប់ជនរងគ្រោះដោយសារការរញ្ជួយផែនដីកាលពីថ្ងៃសៅរ៍នៅតំបន់ជាយក្រុង Trishuli ក្នុងប្រទេសនេប៉ាល់។

11/12 ស្រ្តីជនជាតិឥណ្ឌាធ្វើការបួងសួងដល់ជនរងគ្រោះដោយសារការរញ្ជួយផែនដីនៅក្នុងប្រទេសនេប៉ាល់ នាឯព្រះវិហារ Gorkha Nagar ក្រុង Jammu ប្រទេសឥណ្ឌា។

12/12 អាវក្រៅនិងស៊ុមរូបថតត្រូវបានឃើញព្យួរនៅជញ្ជាំងប្រេះបែកមួយនៃផ្ទះដែលត្រូវបានបំផ្លាញដោយការរញ្ជួយផែនដី នៅតំបន់ដែលមានកន្លែងគោរពសាសនាមួយឈ្មោះ Bhaktapur ក្នុងប្រទេសនេប៉ាល់។

លោក Steve Herman អ្នកឆ្លើយឆ្លងព័ត៌មានរបស់ VOA ដែលបានស្ថិតនៅក្នុងរដ្ឋធានីកដ្ឋមណ្ឌូ (Kathmandu) បានធ្វើដំណើរទៅកាន់រដ្ឋធានីដោយគ្មានបញ្ហាអ្វីទេនៅថ្ងៃអង្គារនេះ ក៏ប៉ុន្តែការចេញចូលតំបន់ឆ្ងាយៗនៅតែមានបញ្ហា។

លោកនិយាយថា ការព្រួយកង្វល់ដ៏ធំគឺភូមិនានានៅជិតចំណុចនៃការរញ្ជួយផែនដី។ គ្មានមធ្យោបាយដើម្បីឲ្យបានទៅដល់កន្លែងនោះតាមផ្លូវថ្នល់ទេ។មធ្យោបាយតែមួយគត់ដើម្បីឲ្យទៅដល់ទីកន្លែងនោះគឺតាមឧទ្ធម្ភាគចក្រ ហើយយើងកំពុងទទួលបានសេចក្តីរាយការណ៍ពីភូមិមួយ។ ភូមិនោះមានមនុស្ស៥០០នាក់ ភូមិមួយទៀត មានមនុស្ស១០០០នាក់ ហើយភូមិនានាទៀតដូចជាភូមិនោះដែរ ត្រូវបានរងការបំផ្លាញខ្ទេចខ្ទី។

មន្រ្តីសុខាភិបាលបានព្រមានអំពីភាពគ្រោះថ្នាក់នៃជំងឺ ដោយការខ្វះទឹកស្អាតហើយមនុស្សជាច្រើនបានត្រូវប្រមូលផ្តុំនៅកណ្តាលវាល៕

នេប៉ាល់ជួបបញ្ហាប្រឈមក្នុងការចែកចាយជំនួយ

កម្រងរូបភាព៖ កិច្ចជួយសង្គ្រោះពីការរញ្ជួយផែនដីនៅនេប៉ាល់

This item is part of

អត្ថបទទាក់ទង

ក្រុមស្វែងរកជាន់ខ្ពស់ស.រ.អានឹងចូលរួមនៅកិច្ចជួយសង្រ្គោះពីការរញ្ជួយដីនៅនេប៉ាល់

រញ្ជួយដីដ៏ខ្លាំងក្លានៅនេប៉ាល់បានបណ្តាលឲ្យមនុស្សយ៉ាងតិចណាស់៤៤៩នាក់បាត់បង់ជីវិត

ភ្ជាប់​ទៅ​គេហទំព័រ​ទាក់ទង

បណ្តាញ​សង្គម

នេប៉ាល់​ជួប​បញ្ហា​ប្រឈម​ក្នុង​ការចែកចាយ​ជំនួយ​

កម្រង​រូបភាព​៖ កិច្ច​ជួយ​សង្គ្រោះពី​ការ​រញ្ជួយ​ផែន​ដី​នៅ​នេប៉ាល់

This item is part of

អត្ថបទ​ទាក់ទង

ក្រុម​ស្វែងរក​​ជាន់​ខ្ពស់​ស.រ.អា​នឹង​ចូល​រួម​នៅ​កិច្ច​ជួយ​សង្រ្គោះ​ពី​ការ​រញ្ជួយ​ដី​នៅ​នេប៉ាល់

រញ្ជួយដី​ដ៏ខ្លាំងក្លា​នៅ​នេប៉ាល់​បាន​បណ្តាល​ឲ្យ​មនុស្ស​យ៉ាង​​តិច​ណាស់​៤៤៩​​នាក់​បាត់បង់​ជីវិត

ភ្ជាប់ទៅគេហទំព័រទាក់ទង

បណ្តាញសង្គម

នេប៉ាល់ជួបបញ្ហាប្រឈមក្នុងការចែកចាយជំនួយ

កម្រងរូបភាព៖ កិច្ចជួយសង្គ្រោះពីការរញ្ជួយផែនដីនៅនេប៉ាល់

អត្ថបទទាក់ទង

ក្រុមស្វែងរកជាន់ខ្ពស់ស.រ.អានឹងចូលរួមនៅកិច្ចជួយសង្រ្គោះពីការរញ្ជួយដីនៅនេប៉ាល់

រញ្ជួយដីដ៏ខ្លាំងក្លានៅនេប៉ាល់បានបណ្តាលឲ្យមនុស្សយ៉ាងតិចណាស់៤៤៩នាក់បាត់បង់ជីវិត