១០:០៣
៥.៦.២០២២
- ពលរដ្ឋជាច្រើននាក់នៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានចេញទៅបោះឆ្នោត សម្រាប់ការបោះឆ្នោតជ្រើសតាំងក្រុមប្រឹក្សាឃុំសង្កាត់អាណត្តិទី ៥ នៅថ្ងៃទី ៥ ខែមិថុនា ឆ្នាំ ២០២២។
កម្រងរូបភាព៖ ពលរដ្ឋនៅសង្កាត់ភ្នំពេញថ្មី ខណ្ឌសែនសុខ ចេញទៅបោះឆ្នោតក្រុមប្រឹក្សាឃុំសង្កាត់
ពលរដ្ឋជាច្រើននាក់នៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានចេញទៅបោះឆ្នោត សម្រាប់ការបោះឆ្នោតជ្រើសតាំងក្រុមប្រឹក្សាឃុំសង្កាត់អាណត្តិទី ៥ នៅថ្ងៃទី ៥ ខែមិថុនា ឆ្នាំ ២០២២។ អ្នកបោះឆ្នោតមួយចំនួនដែលវីអូអេបានសម្ភាសន៍ បានឲ្យដឹងថា ពួកគេរីករាយនឹងចូលរួមការបោះឆ្នោតលើកនេះ ដែលមានការរៀបចំឡើងដោយមានរបៀបរៀបរយ។ ការបោះឆ្នោតនេះ មានន័យថា ពលរដ្ឋនឹងជ្រើសរើសផ្តល់អំណាចដល់ក្រុមមន្ត្រីមូលដ្ឋានដើម្បីឲ្យដឹកនាំមូលដ្ឋាន បម្រើ និងផ្តល់សេវាសាធារណៈដល់ពួកគេក្នុងរយៈពេល ៥ ឆ្នាំ គឺចាប់ពីឆ្នាំ ២០២២ ដល់ឆ្នាំ ២០២៧។ ការិយាល័យបោះឆ្នោត នឹងចាប់ដំណើរការរហូតដល់ម៉ោង ៣ រសៀល។ នៅកម្ពុជាពលរដ្ឋដែលមានអាយុចាប់ពី ១៨ ឆ្នាំឡើងទៅមានចំនួន ១០.៤៦៧.៩៦១ នាក់។ ក្នុងនោះពលរដ្ឋដែលបានចុះឈ្មោះបោះឆ្នោត ៩.២០៥.៦៧៥ (ឬ៨៧,៩៤%)៕
០៥:១៤
៥.៦.២០២២
ការិយាល័យបោះឆ្នោតចាប់ផ្តើមដំណើរការម៉ោង ៧ ព្រឹក
- នៅព្រឹកថ្ងៃអាទិត្យនេះ ការិយាល័យបោះឆ្នោតនៅទូទាំងប្រទេសកម្ពុជា ចាប់ផ្តើមដំណើរការនៅម៉ោង ៧ ព្រឹក ដោយគេនឹងឃើញវត្តមានពលរដ្ឋដែលមានឈ្មោះបោះឆ្នោត តម្រង់ជួរត្រៀមបោះឆ្នោតជ្រើសតាំងក្រុមប្រឹក្សាឃុំសង្កាត់អាណត្តិទី ៥ ដើម្បីដឹកនាំសហគមន៍របស់ពួកគេ។
២០:២៩
៤.៦.២០២២
ពលរដ្ឋនៅភ្នំពេញចេញទៅផ្ទៀងផ្ទាត់ឈ្មោះបោះឆ្នោត
- នៅរសៀលថ្ងៃសៅរ៍ ទី ៤ ខែមិថុនានេះ ពលរដ្ឋមួយចំនួននៅសង្កាត់ផ្សារកណ្តាលទី ១ ក្នុងខណ្ឌដូនពេញ បាននាំគ្នាចេញទៅផ្ទៀងផ្ទាត់ឈ្មោះនៅក្នុងបញ្ជីឈ្មោះបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ ខណៈការរៀបចំបន្ទប់សម្ងាត់សម្រាប់ការបោះឆ្នោតនៅតាមមណ្ឌលបោះឆ្នោតនានាត្រៀមដំណើរការនៅថ្ងៃស្អែកនេះ។ សម្រាប់ការបោះឆ្នោតឃុំសង្កាត់អាណត្តិនេះ គណបក្សនយោបាយចំនួន ១៧ បានចូលរួមប្រកួតប្រជែងយកតំណែងជាមេឃុំ ឬចៅសង្កាត់នៅទូទាំងប្រទេសកម្ពុជាសរុបចំនួន ១.៦៥២ ឃុំសង្កាត់។
កម្រងរូបភាព៖ ពលរដ្ឋនៅភ្នំពេញត្រៀមចេញបោះឆ្នោត ខណៈមណ្ឌលបោះឆ្នោតរៀបចំបើកដំណើរការនៅថ្ងៃស្អែក
នៅរសៀលថ្ងៃសៅរ៍ ទី ៤ ខែមិថុនា ប្រជាពលរដ្ឋមួយចំនួននៅទីក្រុងភ្នំពេញ បានចេញទៅផ្ទៀងផ្ទាត់ឈ្មោះនៅក្នុងបញ្ជីឈ្មោះបោះឆ្នោត នៅតាមមណ្ឌលបោះឆ្នោត ខណៈមន្ត្រីរៀបចំការបោះឆ្នោត និងមន្ត្រីពាក់ព័ន្ធនានា ត្រៀមបញ្ចប់ការងារ មួយថ្ងៃមុនថ្ងៃបោះឆ្នោតក្រុមប្រឹក្សាឃុំសង្កាត់។ កម្ពុជានឹងរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ ទូទាំងប្រទេស នៅថ្ងៃអាទិត្យ ទី៥ ខែមិថុនា ស្អែកនេះ ដោយមានគណបក្សនយោបាយចំនួន ១៧ ចូលរួមប្រកួតប្រជែងយកតំណែងមេឃុំ ឬចៅសង្កាត់ សម្រាប់ឃុំសង្កាត់សរុបចំនួន ១.៦៥២ នៅទូទាំងប្រទេសកម្ពុជា។ ការិយាល័យបោះឆ្នោត នឹងចាប់ដំណើរការពីម៉ោង ៧ ព្រឹក ដល់ម៉ោង ៣ រសៀល៕
២០:២០
៤.៦.២០២២
មួយថ្ងៃមុនថ្ងៃបោះឆ្នោតឃុំសង្កាត់អាណត្តិទី ៥
- ថ្ងៃសៅរ៍ ទី ៤ ខែមិថុនា ឆ្នាំ ២០២២ នេះ គេឃើញពលរដ្ឋជាច្រើននាក់នៅរាជធានីភ្នំពេញ បានធ្វើដំណើរចាកចេញពីទីក្រុង ទៅកាន់ស្រុកកំណើតនៅតាមបណ្តាខេត្តនានា មុនថ្ងៃបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៤ ឈានមកដល់នៅថ្ងៃស្អែកនេះ។
កម្រងរូបភាព៖ ពលរដ្ឋនៅភ្នំពេញធ្វើដំណើរទៅស្រុកកំណើតនៅខេត្តនានា មុនថ្ងៃបោះឆ្នោត
ប្រជាពលរដ្ឋដែលរស់នៅទីក្រុងភ្នំពេញជាច្រើនពាន់នាក់បានធ្វើដំណើរទៅតាមខេត្តនានា នៅព្រឹកថ្ងៃសៅរ៍នេះ ក្នុងអំឡុងពេលដែលកម្មករ និងនិយោជិត បានឈប់សម្រាកមួយថ្ងៃមុនថ្ងៃបោះឆ្នោតជ្រើសរើសក្រុមប្រឹក្សាឃុំសង្កាត់ និងមួយថ្ងៃក្រោយថ្ងៃបោះឆ្នោតនេះ។ កម្ពុជានឹងរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ ទូទាំងប្រទេស នៅថ្ងៃអាទិត្យ ទី៥ ខែមិថុនា ស្អែកនេះ។ ការបោះឆ្នោតនេះ មានន័យថា ពលរដ្ឋនឹងជ្រើសរើសផ្តល់អំណាចដល់ក្រុមមន្ត្រីមូលដ្ឋានដើម្បីឲ្យដឹកនាំមូលដ្ឋាន បម្រើ និងផ្តល់សេវាសាធារណៈដល់ពួកគេក្នុងរយៈពេល ៥ ឆ្នាំ គឺចាប់ពីឆ្នាំ ២០២២ ដល់ឆ្នាំ ២០២៧។ ការិយាល័យបោះឆ្នោត នឹងចាប់ដំណើរការពីម៉ោង ៧ ព្រឹក ដល់ម៉ោង ៣ រសៀល៕