រូបថត និងឈ្មោះលោក កឹម សុខា នៅលេខរៀងទី២ នៅការិយាល័យបោះឆ្នោតក្នុងសង្កាត់ចាក់អង្រែលើ។ នាពេលខាងមុខនេះ ប្រធានគណបក្សសង្គ្រោះជាតិ ដែលជាគណបក្សប្រឆាំងធំជាងគេនៅក្នុងប្រទេសកម្ពុជា នឹងមានវត្តមាននៅការិយាល័យបោះឆ្នោតនេះ។ លោក អូន ឆេងប៉រ នៃ VOA នឹងជូនព័ត៌មានបន្ថែមនាពេលក្រោយ។
អ្នកសង្កេតការណ៍អន្តរជាតិ ចុះត្រួតពិនិត្យការិយាល័យបោះឆ្នោតនៅក្នុងសង្កាត់តាខ្មៅ ជាទីតាំងការិយាល័យ ដែលលោកនាយករដ្ឋមន្ត្រី ហ៊ុន សែន ទៅបោះឆ្នោតនៅ ខេត្តកណ្តាលនៅថ្ងៃទី៤ ខែមិថុនា ឆ្នាំ២០១៧។
នៅការិយាល័យបោះឆ្នោតនៅសង្កាត់ចាក់អង្រែលើ មានប្រជាពលរដ្ឋតម្រង់ជួរបោះឆ្នោតឃុំសង្កាត់អាណត្តិទី៤ នៅព្រឹកថ្ងៃអាទិត្យ ទី៤ ខែមិថុនា ឆ្នាំ២០១៧។ លោក កឹម សុខា ដែលជាប្រធានគណបក្សសង្គ្រោះជាតិ នឹងមានវត្តមាននៅការិយាល័យមួយនេះ នាពេលខាងមុខនេះ។ លោក អូន ឆេងប៉រ នៃ VOA កំពុងចុះយកព័ត៌មាននៅទីនោះ។ សូមរង់ចាំព័ត៌មានបន្ថែមទៀតនាពេលខាងមុខនេះ។
លោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជា និងភរិយា លោកស្រី ប៊ុនរ៉ានី ហ៊ុនសែន ចូលរួមបោះឆ្នោត ដើម្បីជ្រើសរើសក្រុមប្រឹក្សាឃុំ-សង្កាត់ នៅសង្កាត់តាខ្មៅនៃក្រុងតាខ្មៅ នៅខេត្តកណ្តាលនៅថ្ងៃទី៤ ខែមិថុនា ឆ្នាំ២០១៧។ កញ្ញា កាន់ វិច្ឆិកា និងកញ្ញា ខាន់ សុគុំមនោ នៃ VOA កំពុងយកសេចក្តីរាយការណ៍ពីការិយាល័យនោះ។
