ប្រជាពលរដ្ឋនាំគ្នាទៅបោះឆ្នោតនៅឃុំសំរោងក្នុង ស្រុកឯកភ្នំ ខេត្តបាត់ដំបង។ លោក អ៊ិត សូធឿត នៃ VOA កំពុងចុះយកព័ត៌មានផ្ទាល់នៅការិយាល័យសាលាធម្មសភាវត្តកែវ នៅព្រឹកថ្ងៃអាទិត្យ ទី៤ ខែមិថុនា ឆ្នាំ២០១៧។
ប្រជាពលរដ្ឋនៅរាជធានីភ្នំពេញ កំពុងចូលរួមបោះឆ្នោតនៅការិយាល័យនៅតាមមាត់ទន្លេ នៅសង្កាត់ផ្សារកណ្តាលទី១ នៅរាជធានីភ្នំពេញ។ ការិយាល័យបោះឆ្នោត ចាប់ផ្តើមបើកនៅម៉ោង៧ព្រឹក។ លោក សុខ ខេមរា នៃ VOA និងកញ្ញា ហ៊ាន សុជាតា កំពុងយកសេចក្តីរាយការណ៍ផ្សាយផ្ទាល់តាមហ្វេសប៊ុក។
សូមរង់ចាំតាមដានព័ត៌មានផ្សេងៗជុំវិញដំណើរការបោះឆ្នោត និងលទ្ធផលបឋមនៃការបោះឆ្នោតឃុំសង្កាត់ អាណត្តិទី៤ ឆ្នាំ២០១៧ តាមរយៈ Live Blog របស់ VOA នាពេលខាងមុខនេះ។
ខាងក្រោមនេះ គឺជាសេចក្តីប្រកាសរបស់គណៈកម្មាធិការជាតិរៀបចំការបោះឆ្នោត អំពីការផ្សាយលទ្ធផលបឋមតាមខេត្ត និងរាជធានីទាំង២៥ ដែលនឹងចាប់ផ្តើមធ្វើឡើងពីម៉ោង៦នាទីល្ងាច ដល់ម៉ោង១០យប់ នៅថ្ងៃអាទិត្យ ទី៤ ខែមិថុនា ឆ្នាំ២០១៧។
