អនាគតអធិការបតីរបស់អាល្លឺម៉ង់ លោក Friedrich Merz ទំនងជានឹងចាប់ផ្តើមព្យាយាមបង្កើតរដ្ឋាភិបាលចម្រុះនៅថ្ងៃចន្ទនេះ បន្ទាប់ពីប្លុកអភិរក្សនិយមរបស់លោកបានឈ្នះការបោះឆ្នោតជាតិដែលគណបក្សស្តាំនិយម និងឆ្វេងនិយមជ្រុលដណ្តើមបានការគាំទ្រពីអ្នកបោះឆ្នោតជាច្រើន។
លោក Merz ដែលមិនមានបទពិសោធន៍ពីមុនមកក្នុងការកាន់តំណែងកំពូល គ្រោងនឹងទទួលបន្ទុកដោះស្រាយសេដ្ឋកិច្ចដ៏ធំបំផុតរបស់អឺរ៉ុប ដែលកំពុងតែមានបញ្ហា ការបែកបាក់ក្នុងសង្គមដោយសារបញ្ហាជនចំណាកស្រុក និងសន្តិសុខរបស់ខ្លួនដែលកំពុងនៅចន្លោះគ្នារវាងសហរដ្ឋអាមេរិកដែលមានការប្រឈមមុខដាក់គ្នា និងរុស្ស៊ី និងចិនដែលកាន់តែគឃ្លើន។
អ្នកនយោបាយវ័យ៦៩ឆ្នាំរូបនេះប្រឈមមុខនឹងការចរចាបង្កើតរដ្ឋាភិបាលចម្រុះដែលនឹងត្រូវចំណាយពេលយ៉ាងយូរ បន្ទាប់ពីគណបក្សស្តាំនិយមជ្រុលសម្រាប់អាល្លឺម៉ង់ (AfD) បានកើនឡើងដល់លំដាប់ទីពីរជាប្រវត្តិសាស្ត្រនៅក្នុងការបោះឆ្នោត។
នៅក្នុងការបង្ហាញដំបូងនៃចេតនាគោលនយោបាយរបស់លោក លោក Merz ក៏បានផ្តោតគោលដៅលើសហរដ្ឋអាមេរិក ដោយរិះគន់ការបញ្ចេញមតិ «គួរឱ្យខឹងសម្បារជាទីបំផុត» ដែលចេញពីទីក្រុងវ៉ាស៊ីនតោនក្នុងអំឡុងពេលយុទ្ធនាការដោយប្រៀបធៀបមតិនោះទៅនឹងអន្តរាគមន៍ប្រកបដោយអរិភាពពីប្រទេសរុស្ស៊ី៕
វេទិកាបញ្ចេញមតិ