រដ្ឋាភិបាល​ប្រទេស​ម៉ាឡាវី​បាន​សហការ​ជាមួយ​ទីភ្នាក់ងារ​កុមារ​របស់​អង្គការ​សហប្រជាជាតិ ដែល​គេ​ស្គាល់​ថា អង្គការ​យូនីសេហ្វ និង​ក្រុមហ៊ុន​ផ្តល់​សេវា​ទូរស័ព្ទ​ចល័ត​ដើម្បី​ជួយ​សិស្សានុសិស្ស​នៅ​តាម​ជនបទ​ក្នុង​ប្រទេស​ម៉ាឡាវី​រៀន​ពី​របៀប​ប្រើប្រាស់​បច្ចេកវិទ្យា​ឌីជីថល​ចុងក្រោយ​បង្អស់។ តាមរយៈ​គម្រោង Connect-a-School សាលារៀន​សាធារណៈ​ត្រូវ​បាន​បំពាក់​ដោយ​ទូរទស្សន៍​ទំនើប tablets និង​ការ​តភ្ជាប់​អ៊ីនធឺណិត​ដោយ​ឥត​គិត​ថ្លៃ ដើម្បី​លើក​កម្ពស់​ការ​រៀន​សូត្រ​តាម​បែប​ឌីជីថល​ក្នុង​ចំណោម​សិស្សានុសិស្ស។ ទោះ​យ៉ាង​ណា​ក៏​ដោយ សាលារៀន​មួយ​ចំនួន​ថ្លែង​ថា បញ្ហា​ប្រឈម​គឺ​កង្វះ​ឧបករណ៍​មួយ​ចំនួន។ លោក Lameck Masina នៃ VOA រាយការណ៍​ពី​ស្រុក Dedza ប្រទេស​ម៉ាឡាវី។ អ្នកនាង ស្រេង លក្ខិណា ជូន​សេចក្តី​ប្រែសម្រួល៕