ទឹកជំនន់ដ៏អាក្រក់ក្នុងរយៈពេល៦ឆ្នាំនៅក្នុងរដ្ឋធានីហ្សាកាតានៃប្រទេសឥណ្ឌូនេស៊ី បានសម្លាប់មនុស្សជាង៤០នាក់នៅសប្តាហ៍នេះ ហើយបានធ្វើឲ្យមានការយកចិត្តទុកដាក់លើការត្រួតត្រាទឹកជំនន់ឲ្យបានប្រសើរឡើងមុនពេលការរុះរើទៅកាន់រដ្ឋធានីថ្មី។
ភ្លៀកធ្លាក់មិនឈប់កាលពីថ្ងៃអង្គារ និងថ្ងៃពុធ បានធ្វើឲ្យជន់លិច ២៦៨ កន្លែងនៅក្នុងប្រទេសឥណ្ឌូនេស៊ី។ នេះបើតាមការបញ្ជាក់របស់សហព័ន្ធកាកបាទក្រហមនិងអឌ្ឍចន្ទក្រហមឥណ្ឌូនេស៊ី នៅក្នុងគេហទំព័ររបស់ខ្លួន។ សេដ្ឋវិទូ និយាយថា ប្រព័ន្ធបង្ហូរទឹកនិងទំនប់ទឹកនៅក្នុងរដ្ឋធានីមានមិនគ្រប់គ្រាន់សម្រាប់ទប់ទល់ព្យុះនេះ។
គេហទំព័ររបស់កាសែត Jakarta Post បានឲ្យដឹងថា ការធ្លាក់ភ្លៀងកាលពីថ្ងៃអង្គារ មានកម្ពស់ដល់៣៧៧មីលីម៉ែត្រ ជាចំនួនដ៏ច្រើនចាប់តាំងពីឆ្នាំ២០០៧ មក។ បណ្តាញព័ត៌មានក្នុងស្រុក រាយការណ៍ថា ភ្លៀងបានលេចដីខ្ពស់ៗ ធ្វើឲ្យមនុស្សជាប់នៅក្នុងផ្ទះហើយបានបណ្តាលឲ្យជម្លៀសមនុស្សជាង១ម៉ឺន៩ពាន់នាក់។ សហព័ន្ធកាកបាទក្រហមបានដាក់ចំនួនមនុស្សគ្មានទីកន្លែងរស់នៅរហូតដល់ជាង៣១,០០០នាក់។
លោកស្រី Paramita Supamijoto សាស្រ្តាចារ្យទំនាក់ទំនងអន្តរជាតិនៅសាកលវិទ្យាល័យ Bina Nusantara ក្នុងរដ្ឋធានីហ្សាការតា និយាយថា៖ «យើងស្ទើរតែមិនអាចចេញពីផ្ទះរបស់យើង។ យើងមានអារម្មណ៍ថា យើងដូចជានៅកណ្តាលត្រពាំងអញ្ចឹង»៕
