លោកឧត្តមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍នៅថ្ងៃអង្គារនេះថា នគរបាលយុត្តិធម៌មកពីប្រទេសចិនបានមកដល់កម្ពុជាហើយ ដើម្បីជួបជាមួយអាជ្ញាធរកម្ពុជាដើម្បីនាំខ្លួនជនជាតិចិនតៃវ៉ាន់ចំនួន១៥នាក់ចេញពីកម្ពុជាទៅកាន់ប្រទេសចិន។
«ល្ងាចនេះ គឺខាងក្រុមការងារដែលជាមន្ត្រីនគរបាលខាងសាធារណរដ្ឋប្រជាមានិតចិនបានមកដល់ ចូលមកពីម្សិលមិញ ដើម្បីធ្វើកិច្ចពិភាក្សាចាត់ចែង»។
អាជ្ញាធររដ្ឋាភិបាលកម្ពុជាកាលពីថ្ងៃទី៨ កន្លងទៅនេះបានចាប់ខ្លួនជនជាតិចិនតៃវ៉ាន់ចំនួន១៥នាក់ ពីបទសង្ស័យថាជាប់ពាក់ព័ន្ធនឹងឧក្រិដ្ឋកម្មឆ្លងដែន ដោយប្រើប្រាស់ប្រព័ន្ធទូរសព្ទ VoIP ដែលជាប្រព័ន្ធបច្ចេទវិទ្យាទំនើបសម្រាប់ចាប់ជំរិតជនរងគ្រោះនៅក្រៅប្រទេស។
ការចាប់ខ្លួនជនជាតិចិនតៃវ៉ាន់ទាំង១៥នាក់នេះ បានកើតមានឡើងនៅតាមបណ្តោយផ្លូវជាតិលេខ៤ ដែលមានទីតាំងនៅក្នុងភូមិរំលូង ក្រុងច្បារមន ខេត្តកំពង់ស្ពឺ។
សមត្ថកិច្ចបាននិយាយថាជនជាតិចិនតៃវ៉ាន់ទាំង១៥នាក់នេះ បានជួលផ្ទះសំណាក់មួយសម្រាប់ស្នាក់នៅ ដើម្បីធ្វើសកម្មភាពចាប់ជំរិតជនរងគ្រោះជាពិសេសនៅតៃវ៉ាន់ និងប្រទេសចិន។
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានចុះហត្ថលេខាមួយកាលពីថ្ងៃទី១៧ ខែសីហា កន្លងនៅនេះដោយសម្រេចបណ្តេញជនជាតិចិនតៃវ៉ាន់ទាំង១៥នាក់នេះ ចេញពីប្រទេសកម្ពុជា។
លោកឧត្តមសេនីយ៍ឯក ខៀវ សុភ័គ បាននិយាយថាតាមច្បាប់អន្តោប្រវេសន៍កម្ពុជា យ៉ាងយូរបំផុតនៅក្នុងរយៈពេលតែមួយសប្តាហ៍ប៉ុណ្ណោះ បន្ទាប់ពីលោកឧបនាយករដ្ឋមន្ត្រីស ខេង ចុះហត្ថលេខាជនសង្ស័យទាំងនោះត្រូវបញ្ជូនចេញពីកម្ពុជា។
លោក ខៀវ សុភ័គ បានបញ្ជាក់ថា ជនជាតិចិនតៃវ៉ាន់ទាំង១៥នាក់នេះទំនងជាបញ្ជូនចេញពីកម្ពុជានៅក្នុងសប្តាហ៍នេះ តាមច្រកព្រលានយន្តហោះភ្នំពេញអន្តរជាតិ ដើម្បីយកទៅជំនុំជម្រះទោសនៅប្រទេសចិន។
«នេះគឺជាអ្វីដែលយើងបានធ្វើកន្លងមក។ គាត់បានការសហការណាស់។ ការផ្តល់ព័ត៌មានក្នុងការស៊ើបអង្គេតពីសំណាក់ភាគីជាមិត្តយើងដែរ ចិនហ្នឹងដែរ។ ព្រោះទាល់តែមានឯកសារមក ផ្គូរផ្គងឯកសារវត្តមានរកភស្តុតាងឲ្យឃើញ»។
ជំពូកទី៦ មាត្រាទី៣៦ នៃច្បាប់អន្តោប្រវេសន៍បានចែងថា រដ្ឋមន្ត្រីក្រសួងមហាផ្ទៃមានសិទ្ធិបណ្តេញចេញពីប្រទេសកម្ពុជារាល់ជនបរទេសទាំងឡាយណា ដែលមានអកប្បកិរិយា និងសកម្មភាពគ្រោះថ្នាក់ដល់សន្តិសុខនៃកម្ពុជា៕
«ល្ងាចនេះ គឺខាងក្រុមការងារដែលជាមន្ត្រីនគរបាលខាងសាធារណរដ្ឋប្រជាមានិតចិនបានមកដល់ ចូលមកពីម្សិលមិញ ដើម្បីធ្វើកិច្ចពិភាក្សាចាត់ចែង»។
អាជ្ញាធររដ្ឋាភិបាលកម្ពុជាកាលពីថ្ងៃទី៨ កន្លងទៅនេះបានចាប់ខ្លួនជនជាតិចិនតៃវ៉ាន់ចំនួន១៥នាក់ ពីបទសង្ស័យថាជាប់ពាក់ព័ន្ធនឹងឧក្រិដ្ឋកម្មឆ្លងដែន ដោយប្រើប្រាស់ប្រព័ន្ធទូរសព្ទ VoIP ដែលជាប្រព័ន្ធបច្ចេទវិទ្យាទំនើបសម្រាប់ចាប់ជំរិតជនរងគ្រោះនៅក្រៅប្រទេស។
ការចាប់ខ្លួនជនជាតិចិនតៃវ៉ាន់ទាំង១៥នាក់នេះ បានកើតមានឡើងនៅតាមបណ្តោយផ្លូវជាតិលេខ៤ ដែលមានទីតាំងនៅក្នុងភូមិរំលូង ក្រុងច្បារមន ខេត្តកំពង់ស្ពឺ។
សមត្ថកិច្ចបាននិយាយថាជនជាតិចិនតៃវ៉ាន់ទាំង១៥នាក់នេះ បានជួលផ្ទះសំណាក់មួយសម្រាប់ស្នាក់នៅ ដើម្បីធ្វើសកម្មភាពចាប់ជំរិតជនរងគ្រោះជាពិសេសនៅតៃវ៉ាន់ និងប្រទេសចិន។
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានចុះហត្ថលេខាមួយកាលពីថ្ងៃទី១៧ ខែសីហា កន្លងនៅនេះដោយសម្រេចបណ្តេញជនជាតិចិនតៃវ៉ាន់ទាំង១៥នាក់នេះ ចេញពីប្រទេសកម្ពុជា។
លោកឧត្តមសេនីយ៍ឯក ខៀវ សុភ័គ បាននិយាយថាតាមច្បាប់អន្តោប្រវេសន៍កម្ពុជា យ៉ាងយូរបំផុតនៅក្នុងរយៈពេលតែមួយសប្តាហ៍ប៉ុណ្ណោះ បន្ទាប់ពីលោកឧបនាយករដ្ឋមន្ត្រីស ខេង ចុះហត្ថលេខាជនសង្ស័យទាំងនោះត្រូវបញ្ជូនចេញពីកម្ពុជា។
លោក ខៀវ សុភ័គ បានបញ្ជាក់ថា ជនជាតិចិនតៃវ៉ាន់ទាំង១៥នាក់នេះទំនងជាបញ្ជូនចេញពីកម្ពុជានៅក្នុងសប្តាហ៍នេះ តាមច្រកព្រលានយន្តហោះភ្នំពេញអន្តរជាតិ ដើម្បីយកទៅជំនុំជម្រះទោសនៅប្រទេសចិន។
«នេះគឺជាអ្វីដែលយើងបានធ្វើកន្លងមក។ គាត់បានការសហការណាស់។ ការផ្តល់ព័ត៌មានក្នុងការស៊ើបអង្គេតពីសំណាក់ភាគីជាមិត្តយើងដែរ ចិនហ្នឹងដែរ។ ព្រោះទាល់តែមានឯកសារមក ផ្គូរផ្គងឯកសារវត្តមានរកភស្តុតាងឲ្យឃើញ»។
ជំពូកទី៦ មាត្រាទី៣៦ នៃច្បាប់អន្តោប្រវេសន៍បានចែងថា រដ្ឋមន្ត្រីក្រសួងមហាផ្ទៃមានសិទ្ធិបណ្តេញចេញពីប្រទេសកម្ពុជារាល់ជនបរទេសទាំងឡាយណា ដែលមានអកប្បកិរិយា និងសកម្មភាពគ្រោះថ្នាក់ដល់សន្តិសុខនៃកម្ពុជា៕
