វ៉ាស៊ីនតោន៖ អ្នកវិភាគឯករាជ្យគឺលោក បណ្ឌិត ឡៅ ម៉ុងហៃ បានថ្លែងថា ការរុះរើរបងពុទ្ធសាសនបណ្ឌិត្យនិងការសាងសង់អគារកាស៊ីណូ Naga World នៅជាប់នឹងស្ថាប័នរដ្ឋសំខាន់ៗបង្ហាញអំពីអតុល្យភាពរវាងស្ថាប័នរដ្ឋនិងស្ថាប័នឯកជន និង ប៉ះពាល់ដល់ជីវិតសង្គមនិងវប្បធម៌របស់ពលរដ្ឋ។
លោកបានថ្លែងដូច្នេះនៅក្នុងកម្មវិធីហេឡូវីអូអេកាលពីថ្ងៃព្រហស្បតិ៍ទី៥ ខែមិថុនា ឆ្នាំ២០១៤ ដោយលោកអះអាងថាការរុះរើរបងនិងសាងសង់នៅក្នុងបរិវេណស្ថាប័នពុទ្ធសាសនបណ្ឌិត្យនៅជាប់គ្នានោះមិនត្រឹមប៉ះពាល់ដល់សំណង់អគារប៉ុណ្ណោះទេ។
«វាប៉ះពាល់ទៅដល់អគារ ប្រសិនបើសំបកក្រៅថាអគារ ប៉ុន្តែនេះជាស្ថាប័នវប្បធម៌មួយរបស់ប្រទេសជាតិយើង គឺយូរអង្វែងហើយ»។
ការរុះរើរបងពុទ្ធសាសនបណ្ឌិត្យនេះចាប់ផ្តើមឡើងនៅចុងខែឧសភាដែលជាផ្នែកមួយនៃការពង្រីករបស់អគារសំណង់កាស៊ីណូ Naga World ដែលរួមមានការសាងសង់ស្ថានីយ៍អគ្គិសនី substation នៅក្នុងបរិវេណដីរបស់ពុទ្ធសាសបណ្ឌិតផងដែរ។ សកម្មភាពទាំងនេះបាននាំឲ្យមានការតវ៉ាពីពលរដ្ឋរួមទាំងព្រះសង្ឃនិងធ្វើឲ្យបុគ្គលិកខ្លះបារម្ភអំពីការលក់ដីពុទ្ធសាសនបណ្ឌិត្យនេះតែម្តង។
ទិដ្ឋភាពពេលយប់នៅមុខកាស៊ីណូ NagaWorld នៅជាប់ពុទ្ធសាសនបណ្ឌិត្យ
លោក វិបុល ប្រជាពលរដ្ឋនៅខេត្តបាត់ដំបងដែលបានទូរស័ព្ទចូលនិយាយថា ការសាងសង់បំពានមកលើស្ថាប័នសាធារណៈនេះមានផលប៉ះពាល់ដល់ពលរដ្ឋដូចជាលោក។ លោកថាក្នុងករណីនេះ ប្រជាពលរដ្ឋមិនមានការភ័យខ្លាចក្នុងការបញ្ចេញមន្ទិលចំពោះទិសដៅនៃការអភិវឌ្ឍរបស់រដ្ឋាភិបាល៖
«បានកសាងបានអភិវឌ្ឍមកទល់ថ្ងៃនេះហើយ បាត់បង់ទៅវិញដោយសារការលោភលន់និងការចង់បានរបស់អ្នកនយោបាយហ្នឹង វាធ្វើឲ្យប្រទេសជាតិស្រុតមែនទែន សំណួររបស់ខ្ញុំមានខ្លីប៉ុណ្ណឹង តើរដ្ឋាភិបាលគិតយ៉ាងម៉េចដែរ?»
លោក មិន ឃិន រដ្ឋមន្ត្រីក្រសួងធម្មការនិងសាសនាមិនអាចទាក់ទងដើម្បីសុំការបំភ្លឺអំពីរឿងនេះទេ។ ប៉ុន្តែបើតាមឯកសារកិច្ចព្រមព្រៀងនានាដែលក្រសួងធម្មការបានផ្សាយតាមទំព័រហ្វេសប៊ុកបង្ហាញថាសំណើរបស់ក្រុមហ៊ុន Naga World សុំរុះរើរបងនេះកើតមានឡើងក្រោយពីក្រុមហ៊ុនរកឃើញថាដំណើរការសាងសង់ផ្លូវក្រោមដីមិនអាចជៀសផុតពីការប៉ះពាល់ដល់របងខាងមុខជាប់នោះ។ ក្រុមហ៊ុនក៏សន្យាថានឹងសាងសង់របងនោះឡើងវិញដូចដើមដែរ។
រូបថតផ្កាយរណប Google Maps បង្ហាញអគារកាស៊ីណូ Naga World ជាអគារឯកជនខ្ពស់ជាងគេ ហ៊ុំព័ទ្ធដោយអគាររដ្ឋទាបៗជាង រួមមានពុទ្ធសាសបណ្ឌិត្យ (ជាប់ខាងលិច) អគាររដ្ឋសភាជាតិនិងអគារក្រសួងការបរទេសនៅជាប់ពីខាងត្បូង។ (Google Maps)
ប៉ុន្តែលោក ឡៅ ម៉ុងហៃ ថ្លែងថា ការរុះរើរបងនេះគឺគ្រាន់តែជាព្រឹត្តិការណ៍ចុងក្រោយនៃនិន្នាការដែលស្ថាប័នឯកជនមានប្រៀបលើស្ថាប័នសាធារណៈក្នុងរឿងអភិវឌ្ឍនេះ។ លោកថា តាំងពីដំបូងម៉្លេះ វត្តមាននៃអគារកាស៊ីណូល្បែងស៊ីសង មិនសក្តិសមនឹងទីតាំងដែលមានសុទ្ធតែអគាររដ្ឋសំខាន់ៗរួមទាំងក្រសួងការបរទេសនិងរដ្ឋសភាជាតិផងនោះ។
«មើលទៅវាអត់សមរម្យទាល់តែសោះ អគារល្បែងស៊ីសង ហើយនៅជិត និងខ្ពស់ជាងពុទ្ធសាសនបណ្ឌិត្យ ហើយក៏ជាមួយនឹងរូបបដិមាសម្តេចសង្ឈរាជ្យជួន ណាត គឺឆ្លុះបញ្ចាំងថាយើងហ្នឹងគិតតែពីរឿងអភិវឌ្ឍន៍ អត់គិតពីរឿងការប៉ះពាល់ទៅដល់វប្បធម៌និងសាសនារបស់យើងទេ»។
លោកបណ្ឌិត ឡៅ ម៉ុងហៃ ថ្លែងថា ការអភិវឌ្ឍយ៉ាងឆាប់រហ័សនៃសំណង់នៅរាជធានីភ្នំពេញជាការណ៍ល្អហើយ ប៉ុន្តែបច្ចុប្បន្នមានលក្ខណៈអាណាធិបតេយ្យ ដោយខ្វះការរៀបចំត្រឹមត្រូវដើម្បីឲ្យមានរបៀបរៀបរយនិងសោភ័ណ្ឌភាព។ លោកបានអំពាវនាវឲ្យស្ថាប័នពាក់ព័ន្ធមានការគោរពនិងថែអគារនិងបរិវេណពុទ្ធសាសនបណ្ឌិត្យដែលលោកចាត់ទុកថាជាស្ថាប័ន«មរតករបស់ជាតិ»ដែលមានចំណាស់ជាង១០០ឆ្នាំមកហើយ៕
លោកបានថ្លែងដូច្នេះនៅក្នុងកម្មវិធីហេឡូវីអូអេកាលពីថ្ងៃព្រហស្បតិ៍ទី៥ ខែមិថុនា ឆ្នាំ២០១៤ ដោយលោកអះអាងថាការរុះរើរបងនិងសាងសង់នៅក្នុងបរិវេណស្ថាប័នពុទ្ធសាសនបណ្ឌិត្យនៅជាប់គ្នានោះមិនត្រឹមប៉ះពាល់ដល់សំណង់អគារប៉ុណ្ណោះទេ។
«វាប៉ះពាល់ទៅដល់អគារ ប្រសិនបើសំបកក្រៅថាអគារ ប៉ុន្តែនេះជាស្ថាប័នវប្បធម៌មួយរបស់ប្រទេសជាតិយើង គឺយូរអង្វែងហើយ»។
ការរុះរើរបងពុទ្ធសាសនបណ្ឌិត្យនេះចាប់ផ្តើមឡើងនៅចុងខែឧសភាដែលជាផ្នែកមួយនៃការពង្រីករបស់អគារសំណង់កាស៊ីណូ Naga World ដែលរួមមានការសាងសង់ស្ថានីយ៍អគ្គិសនី substation នៅក្នុងបរិវេណដីរបស់ពុទ្ធសាសបណ្ឌិតផងដែរ។ សកម្មភាពទាំងនេះបាននាំឲ្យមានការតវ៉ាពីពលរដ្ឋរួមទាំងព្រះសង្ឃនិងធ្វើឲ្យបុគ្គលិកខ្លះបារម្ភអំពីការលក់ដីពុទ្ធសាសនបណ្ឌិត្យនេះតែម្តង។
លោក វិបុល ប្រជាពលរដ្ឋនៅខេត្តបាត់ដំបងដែលបានទូរស័ព្ទចូលនិយាយថា ការសាងសង់បំពានមកលើស្ថាប័នសាធារណៈនេះមានផលប៉ះពាល់ដល់ពលរដ្ឋដូចជាលោក។ លោកថាក្នុងករណីនេះ ប្រជាពលរដ្ឋមិនមានការភ័យខ្លាចក្នុងការបញ្ចេញមន្ទិលចំពោះទិសដៅនៃការអភិវឌ្ឍរបស់រដ្ឋាភិបាល៖
«បានកសាងបានអភិវឌ្ឍមកទល់ថ្ងៃនេះហើយ បាត់បង់ទៅវិញដោយសារការលោភលន់និងការចង់បានរបស់អ្នកនយោបាយហ្នឹង វាធ្វើឲ្យប្រទេសជាតិស្រុតមែនទែន សំណួររបស់ខ្ញុំមានខ្លីប៉ុណ្ណឹង តើរដ្ឋាភិបាលគិតយ៉ាងម៉េចដែរ?»
លោក មិន ឃិន រដ្ឋមន្ត្រីក្រសួងធម្មការនិងសាសនាមិនអាចទាក់ទងដើម្បីសុំការបំភ្លឺអំពីរឿងនេះទេ។ ប៉ុន្តែបើតាមឯកសារកិច្ចព្រមព្រៀងនានាដែលក្រសួងធម្មការបានផ្សាយតាមទំព័រហ្វេសប៊ុកបង្ហាញថាសំណើរបស់ក្រុមហ៊ុន Naga World សុំរុះរើរបងនេះកើតមានឡើងក្រោយពីក្រុមហ៊ុនរកឃើញថាដំណើរការសាងសង់ផ្លូវក្រោមដីមិនអាចជៀសផុតពីការប៉ះពាល់ដល់របងខាងមុខជាប់នោះ។ ក្រុមហ៊ុនក៏សន្យាថានឹងសាងសង់របងនោះឡើងវិញដូចដើមដែរ។
ប៉ុន្តែលោក ឡៅ ម៉ុងហៃ ថ្លែងថា ការរុះរើរបងនេះគឺគ្រាន់តែជាព្រឹត្តិការណ៍ចុងក្រោយនៃនិន្នាការដែលស្ថាប័នឯកជនមានប្រៀបលើស្ថាប័នសាធារណៈក្នុងរឿងអភិវឌ្ឍនេះ។ លោកថា តាំងពីដំបូងម៉្លេះ វត្តមាននៃអគារកាស៊ីណូល្បែងស៊ីសង មិនសក្តិសមនឹងទីតាំងដែលមានសុទ្ធតែអគាររដ្ឋសំខាន់ៗរួមទាំងក្រសួងការបរទេសនិងរដ្ឋសភាជាតិផងនោះ។
«មើលទៅវាអត់សមរម្យទាល់តែសោះ អគារល្បែងស៊ីសង ហើយនៅជិត និងខ្ពស់ជាងពុទ្ធសាសនបណ្ឌិត្យ ហើយក៏ជាមួយនឹងរូបបដិមាសម្តេចសង្ឈរាជ្យជួន ណាត គឺឆ្លុះបញ្ចាំងថាយើងហ្នឹងគិតតែពីរឿងអភិវឌ្ឍន៍ អត់គិតពីរឿងការប៉ះពាល់ទៅដល់វប្បធម៌និងសាសនារបស់យើងទេ»។
លោកបណ្ឌិត ឡៅ ម៉ុងហៃ ថ្លែងថា ការអភិវឌ្ឍយ៉ាងឆាប់រហ័សនៃសំណង់នៅរាជធានីភ្នំពេញជាការណ៍ល្អហើយ ប៉ុន្តែបច្ចុប្បន្នមានលក្ខណៈអាណាធិបតេយ្យ ដោយខ្វះការរៀបចំត្រឹមត្រូវដើម្បីឲ្យមានរបៀបរៀបរយនិងសោភ័ណ្ឌភាព។ លោកបានអំពាវនាវឲ្យស្ថាប័នពាក់ព័ន្ធមានការគោរពនិងថែអគារនិងបរិវេណពុទ្ធសាសនបណ្ឌិត្យដែលលោកចាត់ទុកថាជាស្ថាប័ន«មរតករបស់ជាតិ»ដែលមានចំណាស់ជាង១០០ឆ្នាំមកហើយ៕
