ការបោះឆ្នោតពាក់កណ្តាលអាណត្តិប្រធានាធិបតីទម្លាយរបាំងជាតិសាសន៍និងយេនឌ័រ
រឿងដែលកើតឡើងជាលើកដំបូងបង្អស់ក្នុងប្រវត្តិសាស្រ្តនៃការបោះឆ្នោតពាក់កណ្តាលអាណត្តិប្រធានាធិបតីអាមេរិកបានទម្លាយរបាំងជាតិសាសន៍និងយេនឌ័រនៅអាមេរិក ហើយការបោះឆ្នោតលើកនេះក៏នឹងធ្វើឲ្យសភាអាមេរិកមានសមាជិកសភាចម្រុះជាតិសាសន៍បំផុតនៅពេលរដ្ឋសភាថ្មីរៀបចំការប្រជុំពេញអង្គនៅខែមករាឆ្នាំក្រោយនេះ។ យោងតាមសេចក្តីរាយការណ៍របស់លោក Brian PaddenនៃVOA បានបង្ហាញថា ការកើនឡើងនៃភាពចម្រុះជាតិសាសន៍និងយេនឌ័ររបស់សមាជិកសភាខាងគណបក្សប្រជាធិបតេយ្យ គឺដោយសារតែអ្នកបោះឆ្នោតជាស្ត្រីនិងក្រុមជនជាតិភាគតិច បានដកការគាំទ្ររបស់ពួកគេពីលោកប្រធានាធិបតី Donald Trump និងពីខាងគណបក្សសាធារណរដ្ឋ។ អ្នកស្រី ស៊ូ ពេជ្រចិន្តា ជូនសេចក្តីប្រែសម្រួល៕
