កូនស្រីពីរនាក់ត្រូវរំលោភសម្លាប់ពេលឱពុកម្តាយធ្វើចំណាកស្រុក
អ្នកស្រី អុល ធីតា ទើបតែបាត់បង់កូនស្រីពីរនាក់។ ពួកគេត្រូវបានរំលោភសម្លាប់កាលពីថ្ងៃទី១៧ ខែតុលា ក្រោយឪពុកម្តាយបានចាកចេញពីផ្ទះទៅធ្វើការនៅភ្នំពេញ និងនៅប្រទេសថៃ។ អ្នកស្រីបានថ្លែងប្រាប់ VOA នៅផ្ទះរបស់អ្នកស្រីថា៖ «មនុស្សស្រីម្តាយនីមួយៗ គ្មាននរណាចង់បែកពីកូនដែលកំពុងពេញស្រឡាញ់ហ្នឹងទេ។ ចង់តែនៅជិតកូន ប៉ុន្តែដោយលក្ខណៈ វាជីវភាពវាក្រមែនទែន ដល់ថ្នាក់ដល់យើងមិនដឹងរកអីនៅនេះ ដែលអាចសងគេបាន»។ ការសេពគ្រឿងស្រវឹង គ្រឿងញៀន ការមើលវីដេអូអាសអាភាស កង្វះការអប់រំ និងការធ្លាក់ចុះនៃសីលធម៌សង្គម ត្រូវបានមើលឃើញថាជាបញ្ហាដែលនាំឲ្យមានការរំលោភបំពានផ្លូវភេទលើកុមារ៕ លោក ស៊ុន ណារិន នៃវីអូអេ រាយការណ៍លម្អិតពីឃុំផ្សារ ខេត្តកំពង់ឆ្នាំង៕
