ស.រ.អា ទម្លាក់គ្រាប់បែកដ៏ធំបំផុតទៅលើបរិវេណរបស់ក្រុមរដ្ឋឥស្លាមនៅក្នុងប្រទេសអាហ្វហ្គានីស្ថាន
(VOA សូមបញ្ជាក់ថា វីដេអូនេះ គឺជាវីដេអូនៃការធ្វើតេស្ហមហាគ្រាប់បែក ឬ «Mother of All Bombs» នៅឆ្នាំ ២០០៣) យោធាសហរដ្ឋអាមេរិកបានប្រាប់ឲ្យដឹងថា ខ្លួនបានទម្លាក់គ្រាប់បែកមានកម្លាំងដ៏ខ្លាំងបំផុតដែលមិនមែនជាគ្រាប់បែកបរិមាណូកាលពីថ្ងៃព្រហស្បតិ៍ម្សិលមិញទៅលើរូងក្រោមដីរបស់ក្រុមរដ្ឋឥស្លាមនៅក្នុងស្រុក Achin នៃខេត្ត Nangarhar នៅជិតព្រំដែនជាមួយប្រទេសប៉ាគីស្ថាន។ គ្រាប់បែកនោះហៅកាត់ថា MOAB មានគ្រឿងផ្ទុះចំនួន១១តោន។ ផ្អែកលើអក្សរកាត់របស់គ្រាប់បែកនោះ កងទ័ពអាកាសសហរដ្ឋអាមេរិក មានឈ្មោះហៅក្រៅថា មហាគ្រាប់បែក ឬ «Mother of All Bombs»។