វិហារ​ឥស្លាម Darul Hijra នៅ​ក្នុង​ទីក្រុង Falls Church រដ្ឋ Virginia សហរដ្ឋ​អាមេរិកមាន​កម្មវិធី​ស្ម័គ្រ​ចិត្ត​មួយ ដែល​បញ្ជូន​អ្នក​ស្ម័គ្រ​ចិត្ត​របស់​ខ្លួន​ទៅ​សួរ​សុខ​ទុក្ខ​អ្នក​ជំងឺ​កំពុង​សម្រាក​ព្យាបាល​នៅ​ក្នុង​មន្ទីរពេទ្យ ដោយ​ហេតុ​ថា អ្នក​ជំងឺ​ទាំង​នោះ​មិន​មាន​សាច់ញាតិ ឬ​មិត្តភ័ក្ដិ​ណា​មួយ​មក​មើល​ពួកគេ​ដល់​មន្ទីរពេទ្យ។ កម្មវិធី​ស្ម័គ្រ​ចិត្ត​នេះ​ចាត់ចែង​ដោយ​និស្សិត​ជនជាតិ​ប៉ាឡេស្ទីន​មួយ​រូប​ឈ្មោះ Eliya Hammad។ នាង Eliya Hammad បាន​សិក្សា​នៅ​សាកលវិទ្យាល័យ George Washington។ អ្នកស្រី Tabinda Naeem នៃ VOA រាយការណ៍​ពី​រឿង​នេះ​ពី​រដ្ឋធានី​វ៉ាស៊ីនតោន ហើយ​លោក ភី សុភាដា ជូន​សេចក្ដី​ប្រែ​សម្រួល៕