លោក Donald Trump មហា​សេដ្ឋី​អចលនៈ​ទ្រព្យ បាន​ទទួល​ការគាំទ្រ​ដោយ​បាន​នាំមុខ​យ៉ាងខ្លាំង​នៅ​ក្នុងការ​ប្រកួតប្រជែង​បេក្ខជន​ប្រធានាធិបតី​ខាង​គណបក្ស​សាធារណរដ្ឋ នេះ​យោង​តាម​ការស្ទង់​មតិ​កាល​ពី​ពេល​ថ្មីៗ​នេះ ដោយ​សាកល​វិទ្យាល័យ Quinnipiac។ លោក Trump ដែល​បាន​ទទួល​ការគាំទ្រ​២៧​ភាគរយ ​បាន​នាំ​មុខលោក Marco Rubio ​សមាជិក​ព្រឹទ្ធសភា​រដ្ឋ Florida ដែល​បាន​ទទួល​ការគាំទ្រ​១៧ភាគរយ ​ហើយ​លោក Ben Carson ​និង​លោក Ted Cruz  សមាជិក​ព្រឹទ្ធសភា​រដ្ឋតិចសាស ​បាន​ទទួល​ការគាំទ្រ​១៦​ភាគរយ។ ការបន្ត​ទទួល​បាន​គាំទ្រ​កើន​ឡើង​របស់​លោក Trump កើត​មាន​ឡើង ទោះ​បី​លោក​បាន​ប្រឈម​ការវាយលុក​នៅ​ក្នុង​ប៉ុន្មាន​សប្តាហ៍​ថ្មី​ៗ​នេះ​ក៏ដោយ។ លោក Jim Malone អ្នក​ឆ្លើយ​ឆ្លង​ថា្នក់​ជាតិ​របស់ VOA ​រាយការណ៍​អំពី​រឿង​នេះ។ លោក ​ជឹង ​ប៉ូជីន ជូន​សេចក្តី​ប្រែសម្រួល៕