តាំងពី​ឆ្នាំ​២០០៩ ពលរដ្ឋ​ដែនដី​ទីបេ​ដែល​បាន​ដុត​ខ្លួន​ឯង​មាន​ចំនួន​ប្រមាណ​ជាង ១១០ នាក់ ដើម្បី​តវ៉ា​ប្រឆាំង​នឹង​គោល​នយោបាយ​របស់​ចិន​ដែល​អនុវត្ត​នៅ​លើ​មាតុភូមិ​របស់​ខ្លួន។ អ្នក​ដែល​ដុត​ខ្លួន​ឯង​ភាគច្រើន អំពាវនាវ​ឲ្យ​មាន​ការអនុញ្ញាត​ឲ្យ​សម្តេច​ដាឡៃ ឡាម៉ា ត្រឡប់​ចូល​ទីបេ​វិញ​និង​សេរីភាព​របស់​ពលរដ្ឋ​ទីបេ។ រដ្ឋាភិបាល​ចិន​ចាត់​ទុក​សកម្មភាព​ទាំង​នេះ ថា​ជា​គម្រោង​នយោបាយ​ដែល​រៀបចំ​ឡើង​ដោយ​សម្តេច​ដាឡៃ ឡាម៉ា​និង​អ្នកដើរតាម​ព្រះអង្គ​ក្នុង​ គោលបំណង​បង្ក​អស្ថិរភាព​នៅ​ទីបេ និង​ដើម្បី​បំផ្លាញ​កម្មវិធី​ទំនើប​ភាវូបនីយកម្ម​របស់​ក្រុង​ប៉េកាំង​នៅ​ទីបេ។ វីអូអេ ពិនិត្យ​មើល​មូលហេតុ​ដែល​នាំ​ឲ្យ​មាន​ការដុត​ខ្លួន​ឯង​នេះ ហើយ​នាង លី ម៉ូរីវ៉ាន់ នៃ​វីអូអេ ជូន​សេចក្តីប្រែ​សម្រួល។