ក្នុង​ចំណោម​ជន​រងគ្រោះ​ពីរ​លាន​នាក់ ដែល​ត្រូវ​បាន​សម្លាប់​ក្នុង​របប​ខ្មែរ​ក្រហម​ក្នុង​ទស្សវត្សរ៍​១៩៧០​នោះ ភាគ​ច្រើន​ក៏​មាន​អ្នកសិល្បៈ​ផង​ដែរ។ ចំណេះដឹង​របស់​ពួកគេ បាន​បាត់បង់​ទៅ​ជាមួយ​ពួកគេ ដោយ​សារតែ​កម្ពុជា នៅ​តែ​មាន​វប្បធម៌​ដែល​បង្រៀន តាម​រយៈ​ការប្រាប់​តៗ​គ្នា។ តែ ពីរ​ទសវត្សរ៍​ចុង​ក្រោយ​នេះ អ្នកសិល្បៈ​ខ្មែរ​ជំនាន់​ក្រោយ បាន​ស្វែង​រក​វិធី​ដើម្បី​ស្តារ​សិល្បៈ​បុរាណ​របស់​ខ្លួន និង​ឆ្នៃ​ប្រឌិត​ថ្មី។ មហោស្រព​សិល្បៈ​«Season of Cambodia» ដែល​បាន​ប្រព្រឹត្ត​ធ្វើ​ក្នុង​ទីក្រុងNew Yorkនេះ បាន​ជួយ​លើក​ស្ទួយ​ដល់​ការស្តារ​សិល្បៈ​ជា​ថ្មី​របស់​កម្ពុជា។ អ្នក​យក​ព័ត៌មាន​របស់​វីអូអេ អ្នកស្រី ខារូលីន វីវឺរ (Carolyn Weaver) រាយការណ៍​ព័ត៌មាន​នេះ​ពីទីក្រុង​ New York ​ហើយ​នាង លី ម៉ូរីវ៉ាន់ ជូន​សេចក្តី​ប្រែសម្រួល។