កង​យោធា​អាមេរិក កំពុង​ត្រៀម​ខ្លួន​ចំពោះ​ផល​ប៉ះពាល់​ដោយសារ​ការកាត់​ប្រាក់​ចំណាយ​ដ៏​ច្រើន​ដោយ​ស្វ័យប្រវត្តិ ដែល​ភាសា​អង់គ្លេស​ហៅ​ថា “Sequestration”។ ក្រសួង​ការពារ​ជាតិ ប្រឈម​នឹង​ការកាត់​នេះ​ ច្រើន​ជាង​ទីភ្នាក់ងារ​ដទៃ​ទៀត។ សម្រាប់​កង​កម្លាំង​បំរុង​ចាក់សាំង​លើ​អាកាស​លេខ ៤៥៩ ដែល​ស្ថិត​នៅ​ក្នុង​មូលដ្ឋាន​កងទ័ព​អាកាស​ Andrews ​ក្នុង​រដ្ឋ Maryland ការកាត់​ការចំណាយ​នេះ មាន​ន័យ​ថា កាត់​ប្រាក់​ខែ និង​បន្ថយ​ម៉ោង​ហោះហើរ​លើ​អាកាស។ អ្នកស្រី ខារ៉ូនលីន ប្រ៊ីស៊ូទី (Carolyn Presutti) នៃ​វីអូអេ នឹង​ពិនិត្យ​មើល​ផល​ប៉ះពាល់​ទៅ​លើ​សមាជិក​នៅ​ក្នុង​កងកម្លាំង​ទ័ព​នេះ ហើយ​នាង លី ម៉ូរីវ៉ាន់ នៃ​វីអូអេ ជូន​សេចក្តី​ប្រែ​សម្រួល។