លោកស្រី Hillary Clinton បាន​ថ្លែង​ថា ការវាយ​ប្រហារ​ទៅ​លើ​ស្ថាន​កុងស៊ុល​អាមេរិក​នៅ​ទីក្រុងBenghazi ក្នុង​ប្រទេស​លីប៊ី កាលពី​ខែ​កញ្ញា​ឆ្នាំ​មុន គឺ​ជា​ចំណែក​មួយ​នៃ​អសន្តិសុខ​ដែល​បង្ក​ឡើង​ដោយ​ភេរវជន​ នៅ​ទូទាំង​អាហ្វ្រិក​ខាង​ជើង។ នៅ​ថ្ងៃពុធ​សប្តាហ៍​នេះ លោកស្រី​បាន​ធ្វើ​សក្ខីកម្ម​នៅ​ចំពោះ​មុខ​សភា អំពី​អ្វី​ដែល​លោក​ស្រី​នឹង​ធ្វើ ដើម្បី​រារាំង​មិន​ឲ្យ​ការវាយ​ប្រហារ​ដូច​នេះ កើត​ឡើង​ទៀត​ក្នុង​ពេល​អនាគត។ លោក ស្កុត ស្តឺន (Scott Stearns) អ្នកឆ្លើយឆ្លង​ព័ត៌មាន​ប្រចាំ​នៅ​ក្រសួង​ការបរទេស​អាមេរិក​រាយការណ៍​អំពី​រឿង​នេះ ហើយ​នាង លី ម៉ូរីវ៉ាន់ នៃ​វីអូអេ ជូន​សេចក្តី​ប្រែ​សម្រួល។