កាំភ្លើង​ត្រូវ​បាន​លក់​ដាច់​ដល់​កម្រិត​ច្រើន​បំផុត​មិន​ដែល​ធ្លាប់​មាន ក្រោយពី​មាន​ការបាញ់​ដែល​សម្លាប់​កុមារ​អស់​២០នាក់​និង​មនុស្ស​ពេញ​វ័យ​៦​នាក់ នៅ​ក្នុង​សាលារៀន​មួយ ក្នុង​ទីក្រុង​Newtown រដ្ឋ​Connecticut។ នៅ​តំបន់​រដ្ឋធានី​Washington​នេះ​វិញ ក្រោយពី​មាន​ព្រឹត្តិកាណ៍​ដ៏​សោកនាដកម្ម​នៅ​ទីក្រុង​Newtown នោះ​មក អ្នក​ដែល​ចូលចិត្ត​កាំភ្លើង បាន​នាំ​គ្នា​ទៅ​ទិញ​កាំភ្លើង​ថ្មីៗ ដោយ​គិត​ថា ការលក់​កាំភ្លើង​នឹង​អាច​ត្រូវ​បាន​ហាម​ឃាត់។ លោក ចេហ្វ ស្វាយខដ (Jeff Swicord) រាយការណ៍​ពី​រដ្ឋធានី​វ៉ាស៊ីនតោន ហើយ​នាង​ លី ម៉ូរីវ៉ាន់​នៃ​វីអូអេ ជូន​សេចក្តី​ប្រែសម្រួល។