អ្នកតវ៉ាប្រមូលផ្តុំគ្នានៅក្រៅសន្និបាតគណបក្សសាធារណរដ្ឋ
ជាងបីឆ្នាំក្រោយពីសេដ្ឋកិច្ចសហរដ្ឋអាមេរិកបានធ្លាក់ក្នុងវិបត្តិដ៏ជ្រៅនោះ អ្នកតវ៉ានៅក្រៅសន្និបាតជាតិគណបក្សសាធារណរដ្ឋ បានចង្អុលបង្ហាញនូវអ្វីដែលពួកគេហៅថា វិបត្តិគ្មានការងារធ្វើ និងវិបត្តិគ្មានផ្ទះសំបែងដែលមានជាបន្ត។ ក្នុងពេលដែលប្រតិភូ មកជួបជុំគ្នាដើម្បីតែងតាំងលោក Mitt Romney ជាបេក្ខជនប្រធានាធិបតីនៅក្នុងពិធីជប់លៀងរយៈពេលបីថ្ងៃនៅទីក្រុងTampa រដ្ឋFloridaនោះ អ្នកតវ៉ា បានបោះជំរំនៅខាងក្រៅ ក្នុងពេលមានព្យុះត្រូពិក។ អ្នកយកព័ត៌មានរបស់វីអូអេ លោក Greg Flakus រាយការណ៍ព័ត៌មាននេះពីទីក្រុងTampa រដ្ឋFlorida ហើយនាង លី ម៉ូរីវ៉ាន់ សូមជូនសេចក្តីប្រែសម្រួល។
